مريت في جدة عصر يـوم الأثنيـن
وقابلت لي ف السوق بنتٍ صغيـرة
قابلتهـا شمـال شـارع فلسطـيـن
تمشـي سـوات الحـرة المستذيـرة
لو جيت ابا اوصفها مليت الدواويـن
أشيـب وتشيّـب بـيـوتٍ كثـيـرة
أوصافها تطـرب قلـوب المحبيـن
اللي لهم في الحـب جولـة وسيـرة
ما ينتحصّـل زينهـا ف المزاييـن
حتـى بلبنـان ودمشـق الشهـيـرة
يوم إنظرت لي ذكرتني ب(شيريـن)
اللـي تراسـل فـي قنـاة الجزيـرة
وباسكال وين؟ وزينب العسكري وين؟
هنّـه بــدار وهالبنـيّـة بـديـرة
فاقـت وتعـدت عليهـن بالـزيـن
زينٍ علـى مسكـه تخالـط عبيـره
الله يسترهـا بستـره عـن العـيـن
عين الحسود وكل مـن فيـه ذيـرة
نظراتهـا بالعيـن مثـل السكاكيـن
موجّهـه للقلـب مـثـل الذخـيـرة
سوات نظرات الصقـور الشياهيـن
لا شافت الصيـدة وجاتـك مغيـرة
ورموشها تشبـه لريـش الجناحيـن
جنحـان صقـرٍ مستعـد لمطـيـره
والخد يشبـه للقمـر ليـل عشريـن
وإلا سوات الشمـس عـز الظهيـرة
شمس وقمر ياناس وش عاد بعديـن
شمس وقمر فـي خدهـا مستديـرة
وليـا ابتسـم بانـت ثنايـاه ثنتيـن
تبرق كما برق السيـوف الشطيـرة
وشفايـفٍ تشبـه لـدمّ الشرايـيـن
مرسومـةٍ رسـمٍ يشـوق النظيـرة
والشعر مثل الليل الأسـود جديليـن
يـــــشـــــعــــــل مشاعـر كـل مـن فيـه غـيـرة
ما حطّت الصبغة وذيـك التلاويـن
ولا حطّت المكيـاج عنـد الكوفيـرة
وقّفت وقفـة عـود عمـره ثمانيـن
مكسـورةٍ فخـذه وساقـه كسـيـرة
وإلا فقـيـرٍ طــاردوه الديايـيـن
ماله عوين ويصرف أسـرة فقيـرة
ما غير أطالع فوق ويسـار ويميـن
وأنظر لها وأقـول ويـش البصيـرة
ياليت أهلنـا مـن بعضهـم قريبيـن
حتى ولو كانوا من اقصى العشيـرة
وإلا قرابـة تنذكـر بينـنـا بـيـن
لو إنهـا يازيـن مـا غيـر جيـرة
تفكيـن يابنـت الأجاويـد تفكـيـن
داوي جروح اللي جروحـه خطيـرة
مـا فالتغلّـي فـايـدة لا تغلّـيـن
ما فالتغلـي غيـر بـوح السريـرة
وليـا هـداك الله عليـنـا تمـريـن
في مدركة تـرى المسافـة قصيـرة
قالت أكيـد تقولهـا قلـت أكيديـن
شوفتك شبت ف الضمايـر سعيـرة
قالت هـلا يامرحبـا قلـت تبقيـن
عـداد همـال المـزون الغـزيـزة
ساع إنبسطت وجات الأبيات هالحين
هاتي علومك جعـل فالأمـر خيـرة
قالـت تعاهـد قلـت بالله ويمـيـن
إنـك تـراك الأولــة والأخـيـرة
ما عاد باقي شيء وش عاد تبغيـن؟
قالت وصل والله مـا أحـب غيـره
مـــــنـــــقــــــول
03-12-2003, 09:00 AM
العرض الشجري