ياصاحبي ضيّعت فكري مغازيك=مدري علامك باديٍ لي جفالك
منولٍ واضح كاشفٍ لي مع********=واليوم تحجب بالهرب ما جرالك
أدري براسك علم بانت مواريك=طبعك تغير كن غيري صفالك
قزّرت عمري يالوظيحي أباريك=ولاّبعد غيري جديد برالك
ولاّتحسب اني ماعاد أغليك =ولاّ تبيّن خافيٍ مابدالك
وش غيّرك ياشين باّخر لياليك=ماكان تصبر باّخر اللّي بقالك
أزريت ترحل وتاركٍ لي مراسيك=على أمل ترجع تجدّد وصالك
شيٍ يجدّد في باقي العمر طاريك=لو كان ذكري غايبٍ ماطرالك
فكري وروحي هايمه يالغضي فيك=ولا ترتضي نفسي بديلٍ بدالك
لوكان كلّك عيب يازين راضيك=وشلون وانت مميزٍ في كمالك
سلّمت روحي لك هديّه ومعطيك= وما أرتجي ترخي عليّه حبالك
سلّمتها برضاي من قبل تأتيك=مكبّله تطلب وفاك وعدالك
ياريف روحي أرفق بحال مغليك=دارك على اللي عاف غيرك وجالك
نظرة عيوني يم غيرك تهاليك=وانته عيونك تشخص اللي قبالك
روحك سرت للخافق اللي يناديك=وروحي شقيّه ما تعدّى مجالك
كم صنعةٍ جرّبت فيها أراضيك=ابغي وصالك وأنتشي في دلالك
مرّه أقولك شعر ومرّه أغنّيك=ومرّه رساّمٍ رسملك جمالك
عجزت أفهم من رموزك مراميك = كنّي جديد في هواك وخصالك
ياما نصيتك ومقفياتٍ خطاويك=وما سر قلبي مشيه اللي مشالك
مدري تعمّد وجايزتلك مماشيك= ولاّ فيها شقرةٍ من خبالك
28-04-2004, 04:18 PM
العرض الشجري