القصه حقيقيه
بنت كانت تضرب الامثال بحبيبها
كانت تزرع الامال بعشيقها
تقول انه فارس احلامها
مكالمات تلفونيه طلعات عفويه
حب حقيقي ووعدها بالزواج
وبعد تفكير جاء متأخر سالتها صديقتها
وش اللي يأكد محبته لك وانه يبيك للزواج مو للعب
جاوبت وبكل ثقه لايمكن اصدق انه مايحبني ولو سمحتي
لاتتكلمين عن شي ماتدرين عنه
وبعد ماذهبت الصديقه لم يذهب السؤال من ذهنها
فظلت في حيرة طويله وعندما قررت كشف الحقيقه لم تستطع
سمعت باالصدفه عن الشيخ خالد وسمعت بعض محاضراته اللي تتكلم عن الخيانات التلفونيه
وبعد تفكير دام طويلا قررت ان تتصل على الشيخ خالد
وفي المكالمه
هي:السلام عليكم
الشيخ: وعليكم السلام ورحمة الله وبركاته
هي: ياشيخ انا لي عشيق دامت محبتنا اربع سنوات
كيف اقدر اثبت محبته لي على اني متاكده انه يحبني ولا يمكن يلعب بمشاعري
الشيخ: حتى انا متاكد انه يحبك بس على شان نقطع الشك بااليقين اختبريه
هي: كيف؟؟
الشيخ:قوليله حبيبي بصراحه انا ودي نوثق علاقتنا ففكرت اني اعرف اختك على اخوي
ومثل ماحنا نكلم بعض نخليهم يكلمون بعض ويتعرفون على بعض واذا جينا نطلع نكون مع بعض
واذا جا وقت الزواج نتزوج كلنا بيوم واحد شرايك
هي: طيب
بعد كم يوم اتصلت البنت على الشيخ
هي: الو(بصوت حزين ومكسور)السلام عليكم
الشيخ:وعليكم السلام ورحمة الله وبركاته
هي: انا ياشيخ اللي كلمتك ذاك اليوم عن الشخص اللي حبيته من اربع سنين
الشيخ: اي نعم تذكرتك بشري وش صار
هي: صدقت ياشيخ
الشيخ:!!!!!!!!!!!! مافهمت
هي: يوم قلتله ياشيخ تعرف وش قال؟؟
الشيخ:وش قال؟؟
هي:قال انتي شايقتني ديوث وش شايفه اختي مثلك رايحه فيها ماتربت اهلها مايدرون عنها
روحي ياالفاجره يااللي ماتربيتي مصدقه نفسك انتي ووجهك انا اتسلى عليك ماعاد بقى الا هي اخلي اختي تكلم اخوك شايفتها مثلك 00000 واقبح الكلام قاله لي (سكتت من خنقة عبرتها)
الشيخ: كنت متوقع رده لك لكن حبيت انك تسمعينه بنفسك على شان تتعظين وتعرفين ان العلاقات
اللي تكون على غير مرضاة رب العالمين لايمكن ان تكون علاقات ناجحه
اتمنى انك ترجعين لله عزوجل وتستغفرينه على ما اذنبتي (انتهت المكالمه بعد الشكر والسلام)
اسمحولي على الاطاله واتمنى ان تكون القصه واعظه اكثر من ان تكون مؤثره
14-10-2005, 06:13 AM
العرض الشجري