آتــوجــــــــد يــافـــــــلاح .. من الصميــم

[الضاوي]

يــــــا وجـــودي وجــد حلحيــــل ٍ كريــــم
شيـــخ قـــــــومٍ لـه معـــزه وإحتـــرام

مــالت الدنيـــا ,,, وصــار بلا نديــم
ولا شقيــــق ولاخــوال .. ولاعمـام

ووجـــد طــرقي ٍ ســرى ليـلٍ ظليـــم
مايشــــوف إلا ظـــلامٍ .. في ظـــلام

تـــاه عقلــه في دجى الليل العتيــم
ثــم تــوسد كفــه اليمنــى .... ونــام

مـــاوعى .. إلا والـتـــوى .. بالكـف هيــم
طنب الصيحــــات .. لكــن .. في عــدام

وإستغــاث برحمــة الله الرحيـــم
وارســــل الله لــه مشــاكيــل ٍ قــرام

آآآتــــوجــد يافلاح من الصميـــم
يــوم شفت المسجــد الاقصــى يضـــام

قبلـــة الاســلام الاولى .. من قديــم
وصوبهـــا مســرى النبي سيد الأنــام

دنســـوهــا زمـــرة إبليـس الرجيــم
والعرب في مرقـد الذلـة .. نيـام

ماسلـم شيــخ ٍ ولا طفــل ٍ فطيــم
من عنــاقيــد الصهاينـــة اللئــام

والمســاجد عقبهــم صـارت هشيـم
والمســاكــن بدلوهـــا بالخيــام

نصــف قرن ودورنا .. دور الغشيــم
لاجهــاد .. ولادفــاع .. ولا اهتمـام

نصف قرن وجرحنــا .. جــرح ٍ أليــم
جرحنـــا عقــب اللحــم ... نــاش العظام

كيــف نــرضى بالمذلـــه من ذميــم ؟؟!!
وكيــف صــار المجرميــن .. أهــل السـلام ؟؟!!

قــالهـا الفــاروق وافهــم يافهيـــم
كلـــمــة ٍ تغنيــك .. عـن كثـر الكـلام

عـــزنــا .. بس فالطريــق المستقيــم
عــزنــا بإســـلامنــا دوم الدوام

وإن بغينــا العـز في غيـره .. نهيــم
في متــاهــات التخــلف والظــلام