الليالي السرمديه لحامد زيد

[حنين الماضي]

مـن عرفـت العلـم وانـتـي يالليـالـي سرمـديـه = والوصول أغلى طموحات الفتى بـأول شبابـه
والمـهـابـه مـاتـهـادت غـيــر لـنـفـوسٍ رديـــه = ليـت فـي قـلـب الليـالـي للفـتـى قــدر ومهـابـه
دنـيـةٍ تجـمـع صفـاتـيـن الـخـجـل والعنجـهـيـه =كـنـهـا بـنــت يـــزود بحسـنـهـا ثـقــل وذرابـــه
يــوم جتـنـي تمتحـنـي فــي زمــان الجاهـلـيـه =جيتـهـا رجــلٍ تحـلـى فـــي تقـالـيـد الصـحـابـه
بالعـطـا تبـخـل عـلـي وبالـعـذاب تـمـوت فـيــه =عشتهـا قـلـب رحوم يـكـره الضـيـم ويهـابـه
بـس ابـدري وش نهايـة وصلهـا وأخـر هديـه=وهو صحيح ان القصايـد للجريـح أول عذابـه
ومن عرف لك يالليالي وانتي اكثر من هويـه =ومن تلحف فـي ترابـك مقتنـع باللـي جـرابـه
مــن قــدر طمـوحـه فـــي زمـــان المعمـعـيـه =مَـن مِـن النـاس يتجـرا يتركـك وانتـي تـرابـه
الـســؤال يـعـيـد نـفـسـه والاٍ جـابــه مـبـدئـيـه = ليت والله ماتكوني مبدئية ياإجابة
الرحوم يخون ناسه والخوي ينسى خوية =والقلـوب اللـي تخالـف ودهـا صـارت تشـابـه
والخـلايـق ماتـسـوي طيـبـهـا جـــود وحـمـيـه= كلـنـا نضـحـك بـوجــهِ مبـتـسـم لـلـغـدر نـابــه
لـو يصيـر المـوت راعـي .. كلبونـا لـه رعيـه =لا زعل نزعل ونرضى لا رضى حضرة جنابه
والله انــي مانـويـت افتح ملـفـات القضـيـه =لكـن انـي شـفـت شــيٍ يفـقـد العـاقـل صـوابـه
ياالحـيـاه انـتـي غـديـتـي بالغـرابـيـل اجـوديــه =كـنـك الـلـي مايمـيـز بالخـطـا غـيــر ارتـكـابـه
ماعطيتـي غيـر جـرح ولعنبوهـا مــن عطـيـه=والله انـك مـا عطيتـي خـيـر للقـلـب وصـوابـه
خاينـه .. مـا انتـي عزيـزة خافقـي ياالأجنبـيـه=جنـبـي عـنـي وأجـنـب مــن مداخـيـل الغـرابـه
وأخــذ بـــدربٍ يـــدرك لـلـقـى روحـــه وجـيــه=يايـمـوت الــدرب ولا بـدفـن الـقـلـب بضـبـابـه
وان ذبحتـنـي تمـنـي رجعـتـي وابـكــي عـلـيـه=ليـن تمليـن المحاجـر بالبـكـا حــزن وكــآ بــه
وادفنيـنـي بـيـن ظـلـك والـخـيـوط العسـجـديـه =لـو لقيتـي بعـد موتـي واحـد بنـفـس الصـلابـه
شـاعـرٍ قــدم قصـيـده لاغـلـب أيـامـك ضحـيـه=بـيــن نـــاسٍ مايطـيـقـون الـقـرايـه والكـتـابـه
يازمانـي لـو بقـى للشعـر فــي صــدري بقـيـه =بكتبه وارسـم خيالـي بالـورق وأروي سرابـه
وكــــان ردت لـلـعـنـاد وعــــودت لـلـمـقـدريـه =والله أنـي مـا اتـنـازل لـيـن اعـديـه السحـابـه
يـازمــانٍ مبـتـلـي بـــه وابـتـلـى فـيـنـي بـلـيـه=لاتلـوم اللـي يخـونـك كــان لــه عـقـل ولبـابـه
بقـفـل القـلـب المشـقـى عــن هبايـبـك العتـيـه=ودق بابـه مـن بعدهـا لــو قــدرت تــدق بـابـه
الحـيـاه الـلـي تسـمـي لعـبـة الشـاطـر خطـيـه=ماتسـاوت فـي عيونـي مـع جناحـيـن الذبـابـه
أذكــر أنــي كـنــت عـايــش بالـلـيـال الاولـيــه =وأذكر أني كنت عايش وقتهـا باحضـان غابـه
ماعـرفـت إلا عـبـارة مثلـهـا مـثــل الـوصـيـه=عيش عمرك ذيب تسلـم مـن مخاليـب الذيابـه