امــحــق واخــواتـهـــا :)

[أبــيـــار]

" امــحــق "

كلمة امـحـق كلمه ترجع في اصلها إلى " مَحَقَ " وهي تعني : إبادة الشيء أو رداءة الشي .

حوار يبين معنى كلمة " امحق " وعلى حسب الموقف يتغير معنى الكلمه نسبياً >>>>> حلوه ذي نسبياً

مــثــال: 1

الأول : مادريت يافلان شصار لخوينا ؟
الثاني : لا والله ماعندي خبر شصاير ؟
الأول : والله مسوي حادث .
الثاني : امـحـق عسى ما مات ؟!!!
الأول : لا بس انقلبت فيه السياره وتعجنت وانقصت نصين بس الحمدلله طلع منها بكسر بأصبع رجله الصغير >>> من هنا تأتي الاشاعات 

مــثــال: 2
الأولى : شصار على خطبتكم يأم فلان ؟
الثانية : مالله كتب نصيب .
الأولى : امــحــق ليه ؟
الثانية : أم المرأه شكلها عوبه وطلباتها واجده >>> حريم بعد

مــثــال: 3
يوم السبت الموافق 19\1\2002 الساعه 9 صباحاً
الوضع : أبيار نايمه واختها تقعدها من النوم.
أخت أبيار : قومي يا أبيار قومي اسمش طلع بالجريده قبلوش في وزارة الصحة.
الوضع أبيار توها قاعده من النوم >>>> ومقفله حدها
أبيار : امــحــق وزاره خليهم يتطهبزون مابي وزارتهم ولا وظيفتهم اقعد بالبيت اشرف لي >>>> حدها البايعتها

مـــثــال: 4
" امــحــق وجهك "
تعني " قبح الله وجهك "


" اســحــق "
اسحق كلمه ترجع في اصلها إلى " سَحَقَ " وتعنى الإباده
وتأتي دائما مع كلمة امــحــق

مــثــال:1
" امــحــق واســحــق " >>> بالعجمي

مــثــال:2
" جعله امحق (ن) واسحق (ن) يــاه
مبارك جعله بعد لا " >>>> هذي بالعتيبي



" يــويــلــي "
كلمة ترجع في أصلها إلى " ويل " والويل تعني الخوف من شيء والتخوف منه .

مـــثــال:1
" يـويـلـي منش ويــــلاه "

مــثــال:2
" يـويـلـي هذا مهب صاحي خـــبل "


اتمنى إن موضوعي ينال اعجابكم ورضاكم
وهذا اهداء مني لكل الأعضاء عامة
وإلى كـويـتـي امـــحــق خاصة


تقبلوا تحياتي

أبيـــار