.. صادق الحب مايجدي معاه الهروب * وعن صحيح المشاعر كيف قلبك سلا ..

[بـــرق الجـــفــاء]

ياصاحبي هانت عليك المحبه
=لاوحسايف عقب هاك المواثيق

جمر الغضا في وسط قلبي تشبه
=نارٍ حطبها يابسات المعاليق

كاسٍ مليته بالوفا لاتكبه
=خلّه يبلل بالوصل يابس الريق

صبّه بقلبي ثم ملّه وصبّه
=وان كان ودك غرق القلب تغريق

دام الهوى راسي وراسك يهبه
=خذ سجّةٍ ترى زمانك توافيق

ترى حلاة العمر مع من تحبه
= شخص تريد من جميع المخاليق