الوقت عيّا علي .. والخوف متلفني
............. أكمّل الدرب ؟ وإلا اترجل خيوله ؟
عشت العمر: حلم ، حلم العمر: ناصفني..
......... وقتي وفكري .. وأنا ماذقت محصوله!
غريب!! كيف ارتضيت الياس يجرفني
......... والأغرب.. الحظ .. دوم ايديه مغلوله!!
كنت أنحت الكرب: درب.. ومن يوقفني؟
........... عنيد .. وآخذ من الجولات في صوله
كنت أعصر الغيم: ديم.. وكنت عارفني
.......... لي روح عاشت على التحليق مجبوله
كنت أحسب الوقت لو عاندت ينصفني
........... واثري جهلت الزمن واتجاهل حموله
الواقع المُرّ.. يوم ٍ مَرّ.. خلّفني
........... عاجز.. يشوف الأماني تنتحر حوله!
وسنيني اللي من الفرحه تسلفني
........... كانت ترابيني بـ "خيبات" مدبوله
واليوم ركب الطموح.. ان كان كلفني؟
......... نوّخت حمله على: "الأرزاق مكفوله"!
ماعاد بي حيل لأحلام ٍ تلاقفني
.......... واللي بقى من صبر ما يملي التوله
رآآقت لي
28-12-2010, 10:25 AM
العرض الشجري