قصيده جزله
فكـرت بالدنيـا وبرقـت بالحـال = وقلبتهـا مابيـن عــدل ومـايـل
جلست أفكـر واتفكـر بالأحـوال = أجمـع وافـرق دقهـا والجلايـل
في ساعة(ن)مافيه من حولي أزوال = إلا انـا والنـار تشعـل شعـايـل
مركي على جال الجمر خمسة إدلال = يقـدح سناهامثـل بـرق المخايـل
واخذت لي منهن على الكيف فنجال = يجلي هموم وسـط فكـري تشايـل
في صحصـح مافيـه حاسدوعـذال = أهل القلـوب المبغضـات الغلايـل
في صحصح يطرد علي بيده الـلال = قفـر خـلا مافيـه غيـر الهمايـل
أخذت أراجع ماعرفته مـن امثـال = ماضي العلـوم موثقـات الدلايـل
لقيت فـي دنيـاي مايزعـج البـال = مما يريب النفـس شفـت الهوايـل
سندت برقا نايف الرجـم والجـال = وزلت قدم رجلي بجـرف وتمايـل
وطيتهـا شعبـان وحـزوم وجبـال = وسريتها مسـرى وصبـح وقوايـل
خاويت انا رجال من الناس ورجال = ومال الرخم ماكر على رأس طايـل
شفت الحصاني تعتلي روس الأقذال = والذيـب يمشـي يتقـي بالمسايـل
والبوم له ماكر على الراس ماطـال = والحر ينزل بيـن قشـع وخمايـل
صارت على الاجواد هم وغربـال = فيهـا تسـاوت بالفضيلـه رذايـل
ضاعت مفاهيم عريضـات وطـوال = فيها اختلف درب السنع والوسايـل
دنيا غريبـه ماعرفنـا لـه اشكـال = منها لبيب العقـل شـاف العلايـل
دنيا تقلـب بيـن الأقفـاي واقبـال = ضاعت بهـا الحسبهبكـل المسايـل
كل(ن)عدى للحـق ناقـض وفتـال = من يوم صارت هرج قيـل وقايـل
حتى الكرم شبه مع النـاس بخبـال = والحق عنـد النـاس عدلـه تمايـل
منها نشف حالي غدى كنـه اخـلال = هذي عظامي تحـت ثوبـي نحايـل
ماكل من يلبس لـه عقـال رجـال = ولاكل عسـاف يعسـف الأصايـل
المرجله ماهـي سواليـف دجـال = المرجلـه جـزم وعـزم وفعايـل
والشور مايوخذ من عقـول جهـال = والحـق مايقبـل عليـه البـدايـل
أصد وجهي عن بعض شوف الأنذال = وأقبل على راعي الوفـا والجمايـل
ماعاد لي رغبـه ولاعنـدي آمـال = ولاني من الي للـردى هـد عايـل
لي رغبة وحده سجـود بالآصـال = أخط لـي مسجـد وأصلـي نفايـل
العرض الشجري