السلام عليكم ورحمة الله وبركـــــاته ,,
لعشـاق الابداااع
من روائع مطلق بن شويه :-
بدا الشاعر اللي نبرة الحـزن فـي مبـداه=وسلّـم يديـه لوجـه ربّــه وناصيـتـه
علـى راس رجـمٍ خالـي البـال مايرقـاه=والأنسام تلعـب فـي شماغـه وطاقيتـه
وقف وقفة اللـي باقـيٍ يـوم مـن دنيـاه=ولمح غالـي أحـلام الحيـاه متعديتـه !!
رقا بإنكساره .. وإلتفاته .. ودمعه .. وآهـ=وحوّل بضيقه .. وإستماتـه .. وتنهيتـه !!
نصيبه متاهـاتٍ مـن البـؤس والمأسـاه=هذيـك متنطحتـه !! وذيــك متقفيـتـه
يوم أن الغلا جـزّه بسيفـه مـع المثنـاه=تقفـاه وقتـه مـن خـلافـه بجنبيـتـه
وليفي عساني لو عدمتـه ماعـدم أرضـاه=ولا أعدم نبـاه !! وميلـت القلـب ناحيتـه
سقـا الله ليالـي عوّدتنـي علـى لامـاه=طريقـي عليـه ووقفتـي عنـد ساريتـه
قبل تفتـح الدنيـا عيونـي علـى ذكـراه=وأنـا ماغفلـت وغفلـت الشـي ماريتـه
ليا أمسيت في قطـع الخـلا مانـي بويـاه=ولا العيـن شايفتـه ولا الإذن موحيـتـه
الا ياوجـودي مـن فـراقـه ويـاعـزّاه=وجود الوحيد اللـي شريـدة عـرب بيتـه
هو الله عطاه الصبـر عنّـي !! وانـا والله=مأخلّـي جــدارٍ مأتـلـوّا بزاويـتـه !!
عسى الله يبرّي ذمتـي مـن خطـا فرقـاه=كثر ما أنتظرتـه فـي الـدروب وتحريتـه
تـدور السنيـن وكـل ماقـدمـه يلـقـاه=الأيـام عجلـه وأرذل العـمـر تاليـتـه
تعرف المصايب مـن تحنّـه ومـن تـدراه=مثل ماتعـرف اللـي تـروح متوطيتـه !!
الإنسان ودّه ينحرم مـن ( رغـد دنيـاه )=ولاينحرم مـن ( نـور عينـه وعافيتـه ) .
العرض الشجري