فـهـد المساعـد
شاعـر كلامـه يداعـب مشاعـري بكـل حـرف من حروفـه
ديوانـه الاخيـر مزيج من الابـداع
احتـرت وش اختـار من قصايـده
بس هالقصيـده مـن القصايـد اللـي عجبتنـي كثيـر
و انشـالله تعجبكـم
سحـآبة
جف الكلام ومـدت يدينهـا فـوق : ..
.. أخترت هذي .. وأنت شف لك سحابه
قلت .. ويديني تحتضنها مثل طوق .. :
أختـرت هـذي هـذي أكثـر رحابـه
هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه
هذي هي اللي عرّفتني علـى الشـوق
هذي قدر .. ماكنـت حاسـب حسابـه
قطعة حزن في جيب بالـي ومشقـوق
ومضة فرح في عيـون نـاسٍ غلابـه
أن سولفت فـي ثغرهـا لمعـة بـروق
وإن سرّحت في عيونها صمـت غابـه
واليا اضحكت نورٍ من الفجر مسـروق
واليـا بكـت تحـزن عليهـا الكآبـه
حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"
هالآدمي من وين له قلـب وعـروق؟!
والصبر هالمسكين مـن ويـن جابـه؟
وأنـا أتكلّـم .. ردّت عيونهـا فـوق
ثم تمتمت : من هي هالأكثـر رحابـه؟؟
قلت ويدينـي تحتضنهـا مثـل طـوق
فـي ذمتـي ماشفـت غيـرك سحابـه
26-02-2009, 12:27 AM
العرض الشجري