انــا كل ماسجي

[هتلر اليامي]

بســــــم الله الرحمــن الرحيـــم
^

^
لااجيــــد صياغية المقدمات ارجـــو ان اوفــق في الطرح وتنـــال على البعــض من رضاكم:
========================================
انـا كل ماسجـيت جا بالفكــر طريــاك=واغنـي واصــوغ القــاف لوماهــوبـــودي

واراقـب نجوم الليل واسهـر على ذكراك=وتســري بي اشــواقي مصـمم ومتحــدي

وانا ياوليفــي ويل قلبي على لامــاك=وويلــي على ضمــت يديــنك على يــدي

جبــرني هـواك العـف والطيـب في مجنـاك=وسحـرني ســواد عيونك وبارق الخـدي

وتولعـت في حبــك وسقــت القــدم لرضــاك=وعن غيرك من البيـض قلبي اعلن الصدي

فنـا ادري تنشـّدّ عن علومي ومايخـفاك=وانا ادري متابع يالغــلا جـزري ومـــدي

وانا ادري العـواذل نبتهـم في الطريق اشواك=يجــي نبتهــا من بيــن الازهار والوردي

فـلا تحســبّ اني بســج منك ولاانســـاك=ولاياخـذك قولــت حســودن ومتـــردي

حـدتني الليـالي العــوج من شوفك ولقيـاك=وصكـات بقعا والـزمن واقفـن ضــدي

وذي عادت الدنيا وذي دورت الافـلاك=تــومي بنا الايــام والكـل مستــدي

ويبقـي الامل شمعـه تنــور بها دنيــاك=ولولا امــل لقيــاك لاابيــّح الســـدي

فلابــد ماتصفـى المشـارب وانا عينــاك=وتـارد ركـاب الشــوق من صافي العــدي

وان طــالت المـده وشــح الـزمن بـلقاك=فخــذ العهـد مني وعهـدك على عهــدي

اني مــا لاحــي الــورقّ من فوق غصن الـراك=ولانيــب قـايل يابري حـالي ووجــدي

وتـذكر كلامــي ذا ان كـان ربي احيــاك=على شاشــة الذكـرى ابيــض ومســـودي

عهــد لااصــلك واحط يميني وســط يمنــاك=واقـــول هــذا الشــوق طايــش ومتحـــدي!!!


وســـــــلامتكم
للشــاعر/علي بن ســران اليــامي