معركة طلال بين الامام سعود الفيصل ومن معه من قبائل نجد ضد قبيلة الروقة من عتيبه

[العماني]

وقعت هذه المعركة بين سعود بن فيصل بن تركي ال سعود ومعه من قبائل نجد(السبعان والسهول والعجمان ومطير واهل العارض واهل سدير واهل القصيم)
وبين قبيله الروقه فقط من عتيبه
وكان امير الروقه الاميرمسلط بن ربيعان

حدثت المعركه في مكان يسمى طلال عام 1290 هـ ، ويعود السبب الى مساعدة ابن ربيعان لعبدالله الفيصل بعد سقوط حكمه .
وكان عدد جيش ابن سعود ومن معه 8000 وقيل 9000 بينما عدد الروقه 800 فقط حسب القصيدة.

القصيدة الأولى للشاعر الشيخ شليويح ابن ماعز العطاوي ويقول فيها:

الا يالله تغفر لي ذنوبــــــي =تغفر لي ذنوبي والاثام
كان اني ما اتقفى الغافلين=ولا اسب الاجاويد الكرام
هجدنا النذير بهود ليــــــــل =وحنا هاجعين بالمنام
والشردان اشاروا بالرحيـــل =والظفران اشاروا بالمقام
واقمنا وبنينا الخيــــــــــام=وكل دونها لبس الحرام
يوم سعود جانا بالدويــــش=جاب مطير مع صبيان يام
واهل سدير والسبعان معهم=والعجمان يقداهم حزام
والقصمان جونا من يميـــــن=يبون المباني والجهام
والدمام دقوه العبيـــــــــــد=ونور الشمس غاطيه الغمام
وشافونا وجونا سارحيـــن=والله مانوونا بالرحام
ولجن العذارى بالصيـــــاح=شافن الجموع الها ادحام
ورمن بالبخانق والهــــدوم=وينخن بالجدود وبالاسام
وردينا لدهمان السيوف =وسود الشلف كاسرة العظام
ومركاض يسر الناظريـــــن=ترعابه مرودنت السنام
لاتبكن يابيض النحــــــــور=عان الفعل في ولد الامام
دون البل مكرمت الضيـوف =بعنا الروح بيع مايسام

لم تعجب هذه القصيدة مسلط ابن ربيعان وقال : ( يا شليويح فعلنا اكبر من هالقصيدة)

فقال الشاعر الفارس شليوح العطاوى هذه القصيدة التي تعتبر من درر الشعر يصف فيها المعركه :

اول كلامي طلبتي ذكر الله=ماني عن الرب الكريم غناوي
اغفر ذنوبي يا محل ذنوبي=ان كان في بدع كلامي غاوي
مانيب من يمدح بقوله لسانه=ولا ني على عشق البني هواوي
على طلال الصبح خيل مخيلة=تاصل سناويها الى المطاوي
وبروقها الهند ومصاقيل العجم=ورعودها البارود والعزاوي
وتمطر بعطشان المحبب والقنا=والها بروس الخيرين تعاوي
جانا بن سعود مسير بجنوده=معه الدويش ولمة البداوي
ومعه جموع سبيع واهل العارض=وصبيان يام وبيرق القصماوي
هم ثمانية الاف عداد جموعهم=بلوى وربي يدفع البلاوي
وحنا ثمانمائة عداد جموعنا=ماش اجنبي فينا ولا برقاوي
الاد روق اللي عريب جدهم=لاجا من الحكام رد براوي
ندّب علينا شيخنا ابن محمد=ثم انتهض مثل العقاب الناوي
عودٍ تعطف في ظهر جلومز=جلومزٍ مثل القضيب الهاوي
مترفعٍ عنها اللحم بعلوها=شعلاً شعاع شعلّةٍ شعلاوي
وصحنا عليهم ثم عاونا الله=لين انها صارت لنا مناوي
ياظفرهم لاقرب الله دارهم=وحنا عليهم مثل نجمٍ هاوي
لكن سربتهم اليا اوجهنا بهم=زمولٍ مخزمة على الكراوي
وطلحه نحوا عنا ببريه يسارهم=وتاقبوا دهم العروق هداوي
كن الجنايز في نحاوي طلحه=جدع الخشب فالوادي السناوي
وحنا تلاقينا بسربة علوى=وساع الطعون مطوعين الغاوي
ونخيت مزحم سعد منهم ربعه=يوم اللقا زادوا ورا الهقاوي
ردوا يمانيهم لكل مجرب=ياما خذوا من روح كل مساوي
نضرب بسلات الهنادى روسهم=ونقصم مثانيهم مهيب سطاوي
ونرخي عيهم حد كل موصلة=في فعلها يحتار كل مداوي
وارويت مذلوق القنا من خيلهم=لين ادبحوا شرابة القهاوي
ومنعت سلطان البعير بينهم=والشيوخ ما صدوا لها نحاوي
يارب تنجي وتنجي سابقي=اللي تزبني عن الاهاوي
ما يلحق العنان هامة راسها=ياكود يركيها على السنداوي
مضرب يديها في صليب الرقه=تاخذ من ادنى الحزم كبر الشاوي
قبٍ من الزلبات وافٍ عدها=بنت الاصيل وركضها فجحاوي
ابرها وام العيال تبرها=تشرب حليب الفاطر الجنفاوي
تطلعن يالبيض في مركاضنا=وصلت كسايرهم الى الحجناوي
وعزي لهم لولا اسمر في خيلهم=يهوي علينا اهواية النداوي
لا رحم ابو من صد عن محرافها=يوم انخلاع الستر عن مضاوي
نطعن لعين اللي تهل دموعها=تبكي وفي تالي البكا نخاوي
تقول ياالظفران من عاداتكم=هوشوا عسى يبقي لنا شلاوي
ونطعن لعين اللي تجر حنينها=عفرا تبا صيفية المطاوي
قلت ابشري بالفك ياحم الذرا=دام الطعن يفك والاهاوي
تزبنوا عنا قصور عنيزة=لين احتماهم بيرق القصماوي
ترعى بنا عوج الركاب وتنثني=ماحدرت حسلة الى الحجناوي
والمدح لله ثم نسل محصن=عسى لهم عند الاله عراوي
اهل العطف واهل المقام شيوخنا=واهل الكرم والمنزل المتساوي
سواقة المغتر على الحرابه=يوم الحريب عن الحريب يلاوي
يا سايق الفنجال عده لمدوخ=واثنه لابن صلال والجلاوي
وانا زبون الحرد ابو ضيف الله=لا قصر البرطم عن الشفاوي
وانا احمد الله يوم انا من لابه=ماهم بقطمان اليدين شواوي