مبارك عليكم الشهر وكل عام وأنتم بخير وأسال الله ان يجعلنا وإياكم من صوّامه وقوامه 00
يا مرحبا مليون يالشهـر الكريـم=حيّاك فـالخافـق مكانـك ياهـلا
اقلط تقهْوى والعن إبليس الرجيـم=دوك القدوع ومـد يـدّك يـا غـلا
ودي أناْ أطوي صفحة الماضي الأليم=وأسْعِد خفوقٍ بالحـزن دوم ابتـلا
فرصه ولاحْدٍ طافته غيـر الغشيـم=اللـي لِ حَـق الله قلبـه مُهمـلا
ربٍ خلقنـاْ بحالنـا دايـم علـيـم=نسأل إله العفو مع حسْـن اعمـلا
أستغفر الله تمحي الذنـب العظيـم=تحس ضيق الصـدر عنّـك ينجـلا
والحمـد لله نطقهـا دايـم يـديـم=أرزاق ربي والشكر واجـب \ فـلا
تلهيك نفسِك عن طلب ربٍ رحيـم=أقْسَم بعـزّه يغفـر ذنـوب المـلا
إستغفر الله وإرجـع بقلـبٍ سليـم=وإندم على ما فـات تُرْفَـع للعـلا
ترا الدعـا مفتـاح جنّـات النعيـم=احفـظ فروضـك والله الله بالصـلا
لــ/ وجد
العرض الشجري