ياطير

[طخطاخ]

--------------------------------------------------------------------------------

خل الغنى في عالي الرجم ياطيـر
مثلك طليق جناح يقضـي شهاتـه
ما انت بمثل من زاده الوقت تعزير
والهم والوسواس يقطـع صلاتـه
امشي وكل الكون عندي مخاسيـر
والعمر كل العمر ضيـق وشماتـه
من واحدن بالجوف دق المساميـر
نظرة عيونه تقتضي عـن شفاتـه
مر يتمشى ناعـم العـود ويذيـر
ومن طالع بعينه دنت لـه وفاتـه
العين يا حرن صعـد فالمواكيـر
وكن الهدب ليلن غشاهـا سباتـه
والصدر زامي فيه للحـب تعبيـر
راع الهوى تدفن بصـدره رفاتـه
والله ثم والله لـو شافهـا الزيـر
(سالم) ليشهد فـي مكانـه مماتـه
الطول فارع كنها الريـم وتذيـر
مثله بوصفه تشترك فـي صفاتـه
ومجدلن يلعب على الورك ويثيـر
فيه العيون بطول ونعم اخصلاتـه
وللوسط من خاتم سليمان تصويـر
الله عطـاه وكملـه فـي حلاتـه
وبالسوق تعطا له مـوده وتقديـر
وكل البني ما عاد يسـون عباتـه
تتبع خطاه عيون كل المـلا سيـر
ومن وين ما وجه مشت في قفاتـه
حتى أظن السوق قفـل ولا غيـر
يمشي بسوق (حجاب) مثله بذاتـه
وكلن وقف له حيل من غير تفكير
حتى الكلام احتار بأقصـى لهاتـه
ما كنت أضن لإنسان بإنسان تأثير
ويهديه شر العين قبـل احسناتـه