خذها وانا اللي لها واقول لعيونك=ملعون ابو الحب كان لمثلك اهديته*جديد سماوي بعد الغيبه

[جطلي بن فهد]

والله لكتبك لأجل الخلق يقرونــــــــــك=واكبر خساره قصيدٍ فيك عديتـــــــــــــه
ادخل على الله ترى الاعذار ينهونـــــك=لا تظلم العذر باب العذر سديتـــــــــــــه
مجنونك اللي غدى ماعاد مجنونـــــــك=نصايبك فوق ذكرى الود هديتــــــــــه
لاتلعب قمار في قلبي على هونـــــــك=لاترهن الحب ثم تقول رديتــــــــــــه
ماخاب ظني وربي خيب ظنونـــــــك=بل الهوى بقطعه ان كان مديتــــــه
من كنت حتى تكون وأن كنت انا كونك=ماكنت كوني ولوّك كنت كديتـــــــــه
خل العواذل على الفرقا يهنونـــــــك=والله لحد المشاعر يوم حديتــــــــــــه
خلك معاهم عساهم بس يعزونــــــــك=رديت قلبٍ عليك العام شديتـــــــــــــه
ياكافره بالهوى يكفي ينادونــــــــــــك=اسمٍ على طبعك مناسب وناديتـــــــــه
ماخلت برقك ولاارجي هلت مزونـك=ولا ابيك تمطر وتسقي جرحٍ ابديتــــه
ماعاد ابعزف طرب قلبي على لحونك=مادام الاحساس صد وعنك لديتــــــه
خذها وانا اللي لها واقول لعيونـــــك=ملعون ابو الحب كان لمثلك اهديتــــه

للشاعر
ناصر الفضلي



اتمنى تعجبكم وفي ذمتي اني عارف اني مقصر في حقكم ومبطي مانزلت قصايد
ولكن نطلب منكم كل واحد باسمه يسامحني ويعذرني وبكون له شاكر
ولا انتم حقكم على عيني وراسي وقدركم يعلم الله ان لكم قدر في قلبي



محبكم
سماوي بن نجم