توفت بك الشيمه وزولك مع الحيين لـ ابعاد التركي :)

[قبلة العذارى]

سلام عليكم ورحمة الله وبركاته


واسعد الله اوقاتكم بكل خير


للتواصل مع قلوبكم .. عسى ان تحوز على رضى ذائقتكم

يامطولك ليل ومطول البعد للسارين=وياوجد القلوب النايحه لاتزعزعني
ذكرتك .. او اني مانسيتك الى هالحين=او ان الرجا في سكة الياس يتبعني
تمنيت وصلك .. يوم للوصل شرع ودين=وخليتني لسيوف الاوهام تقطعني
حسيبك زمانك !! .. كيف يا اغلى من الغالين؟=غدا كل طاري من طواريك يجزعني
تجاوزت في ظلمي .. و(هلّت دموع العين)=وشوف الدموع (بساعة الغبن ) وش تعني؟!
اسند على باب الرجا قلبي المسكين=واناديك .. ماكنّك مع الناس تسمعني
نثرت الجروح .. وغابت الشمس من ليلين=وخليتني .. والموت بيديه يجمعني
توفت بك الشيمه وزولك مع الحيين=عسى اللي (نقص من قدرك اليوم) يقنعني
قضى الود .. و(دموع الندم) روّحت بي لين:=فنت كل عرقٍ من خفاها ينازعني
(على كثر زلاتي .. وكثر القسى واللين= فوالله ماوجعتك .. كثر ماأنت توجعني) !!
خطاياك عشر .. ومنهجك في الصحيح اثنين=ومبداك لاطعته .. ولا قلت لك طعني
حسبتك سميّ المجد .. وسلالة الوافين=وظنيت بك حرّ عن الهون يمنعني
لك ذمه يرسي بها (الكذب والتخمين)=عسى الله من عثرة نواياك يطلعني
كبار العزاوي حوّلت فالزمان الشين=ولو زايدوا بيّاعة .. المدح وش يعني؟؟
(تخيب الهقاوي) .. والليالي تجر سنين=ولابد من دورات الايام تقنعني

وتمت لـ شاعرتها المبدعه ( ابعـــــــــــــــــــ التـركـي ــــــــــــــــاد )


سلام