يقول ابن بليهد رحمه الله عن معركة العويند : "واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير " أ.هـ كلام ابن بليهد ج/1 ص 46
من القصائد التي قيلت في العويند الأولى ...
قصيدة الفارس فندي المقاطي
يا راكب اللي مـا ترقـع رهوقـه
حرً على قطع أشهب الـلال صبـار
هاته ودنه وانسـف الكـور فوقـه
أسبق من اللي يدهل العش بالغـار
كودً على عيرات الأنضـا لحوقـه
فجً عضوده ما قطع في رحا الـزار
وحسو الرويقي نسم النضو فوقـه
والحسو قدامك من الصيف معتـار
ملفـاك شيـخً زيـن الله وفوقـه
ضيف الله اللي يكرم الضيف والجار
ليا قال ويش النضو يا للي تسوقـه
قله من ابن حميد يوصلك الأخبـار
رد البرا من فـوق عقلـه خنوقـه
وثور ظعنهم ناحرن عقلـة الجـار
جونا بجمع جـات علـوى تسوقـه
حمرً على ماوصف الخشم سنجـار
جونـا يبـون العـد والعـد فوقـه
ربعٍ مسقية العـدا كـاس الامـرار
خذنا الجمل والبيت والقيـن فوقـه
وتسعين لحية في حجا القوز ما سار
كم جادلٍ ريـح العويـدي نشوقـه
من عقبنـا قامـت تقلـط لقصـار
انه ضيف الله عـن الـورد فوقـه
مير أبتخص حتى تسمع بالاشـوار
وقال ايضا الشاعر فهم الجنيبي العصيمي في قتل الفارس المسمى ابو صفرة
ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شيخً نوانـا بالبـلا والله بـلاه
16-10-2007, 06:35 AM
العرض الشجري