السلام عليكم ورحمة الله وبركاته
ومساكم الله بالخير كلن بأسمه
جيت وسجلت بسبب موضوع اخي العماني اللي مصدره من هنا
كما ذكر قصيده في موضوعه وهي محدثه ومن شاعر عاصر لمدة 100سنه وهو الان متوفي قالها في احدى المناسبات امام امير قبيلة الشيابين الامير سلطان بن ماجد بن فهيد امير الفوج الثامن بالحرس الوطني وكما اسرد في القصيده معركة المبيحيص وهالمعركه محد ناكرها الا اخوانا في قبيلة مطير الله يهديهم ونحن وجميع القبايل يغزون ويكسبون وينهزمون ويذكرونها بس لا ادري هل مطير ماتبي تذكرها ليش ؟
ثاني شي انا راح اتكلم في الموضوع ذا وان شاء الله راح اوافيكم بالتفاصيل
مشاركة مني في تاريخ الشيابين اذكرلكم هالحادثة التاريخية المشهورة وهي كون المباحيص وسالفتها
غزاء وطبان بن عمر الدويش على احد مشايخ عتيبة الي يحادون ويجاورون قبيلة مطير وكان هالشيخ كبير في السن وهاك اليوم ماكان عند الشيخ من جماعته الى القليل
واستغل وطبان الفرصة وغزاء الشيخ وكان يتبجح بالغزو
قامت احد النساء القريبات للشيخ ونخت هذال بن فهيد شيخ الشيابين ثلاث مرات وقالت
( تكفى ياهذال ياخو هملا , تكفى ياهذال ياخو هملا , تكفى ياهذال ياخو هملا )
وصل الخبر الشيخ هذال وعزم على غزو وطبان بن عمر الدويش في عقر داره
وارسل هذال بعض الفرسان يبحثون عن مكان تواجد وطبان
وكان وطبان بعد الغزو شد من مكانه ونزل في المبيحيص بالقرب من الدهنا
جابوا الخبر لهذال انه شد ونزل على المبيحيص اعد هذال الفرسان وعتاد الحرب
وتوجه لمكان تواجد وطبان وصبحهم ودارت بينهم معركة كانت لصالح هذال وقومه وهزموا وطبان وربعه
وتوجه هذال للبيت وطلعت عليه الدحملية وهدت البيت وقالت
ياهذال البيت والي تحته من عبيد وغيره في وجهك قال هذال
الغنم والبل مباهـا=ما اريد إلا الدحملية
واما على كلام اخونا في الله ميار ان مسلط ابن فهيد قريت رد اخونا وقمت اضحك اسمحولي بأن لا يوجد في ذي فهيد احد اسمه مسلط بن هذال بن فهيد يا اخي الكريم لا تزور الاسامي فنحمد الله اننا في ارض محايده في منتدا ناسن لا قامو شياطين ولا جلسوا سلاطين
مسلط اللي تدعي انه من الفهيدات فهو مسلط ابن ربيعان
والشيخ العتيبي الي غزاه وطبان الدويش هو:
مسلط بن محمد بن ربيعان شيخ الروقة
وصاحبة النخوة هي مضاوي وهي عطفة الرباعين
وابلغ الشيخ هذال مرسول من عنده للشيخ مسلط بن ربيعان يخبره بالانتصار وكان مسلط بن ربيعان كبير في السن وله احترام كبير عند الشيخ هذال وكانت الرسالة للشيخ مسلط هذه الاحدية من الشيخ هذال
سلام ياشيخنا نزال الاطرافي=شيخنا الي كل قاله يسويها
والله انا درعك الضامن الوافي=عين نضحكها وعين نبكيها
احمد الله لابتي شربها الصافي=والحرايب حاميات ضواميها
وهذي القصيده التاليه اهداء لجميع مطير
ياعبيد وش حدك تفوة بتاره=قلي عسى ماشر ياشاعر مطير
ماينبغي ياعبيد قدح الشراره=بين القبايل ياردي التفاكير
مدري تكلم جد ولى عياره=ولا سمعت من اقرب الحلق تصفير
سحبك مجنون العمار بمساره=( وشلتو من الهرج المزيف قناطير )
راع العمار الي بنالة عماره=من الهرج حيثنة على غير تسعير
يعد شعرة مرجلة بطراره=( ومن هرجة التافة يوزع فواتير )
لوهو من الي يفهمون الاشاره=وعندة ملافي للكلام وتفاسير
تبي تحط الطايرة في مطاره=وتسلمة خط التقارير وتطير
لكن مرجوجاً براسة عهاره=كبير في سنة وفي عقلة صغير
ابترك المرجوج جعلة وداره=مال للكلام الي بلا عدل تاثير
حتى يرجع لسفية اعتباره=وليا رجع نعرف مكان الخوابير
اما انت كاننك تعرف المشاره=دعوتك وصلتنا وجونا المسايير
( عن لوحة الماضي رفعنا الستاره )=وركب الرشا من فوق هدف النواعير
ورد الجزاء جنس العبارة عباره=وعلم تراء مايعتبر كل تعبير
ذكرت بعض شيوخنا للأثاره=( لكن ماعندك شهادة وتقرير )
ولايبني الرجل الفهيم افتخاره=على التمني وختلاق المذاكير
ومدامتنك جيتلك بستماره=وعبيتها بس الخفاجي مع الزير
دور ( لبن جبرين ) عندك جباره=اذا وجدت لقطعت الراس تجبير
ماسرتة حقب العيون وفراره=خمة قطامي كن عينة سنا كير
ادلى علية مجرباً فالصقاره=حراً مخالبية سواة الشناكير
عدو عينك نطلبة ربع باره=ان طار والى في وطى الارض ويسير
نجيلة اقرب للغبي من زراره=حتى نطير هامة الراس تطيير
عينت ( ابو صفرة ) وكيف اختباره=فالامتحان الي جراء شرقي النير
جانا بكامل قدرتة وقتداره=يبي العشاير جلهن والاباكير
ولقى السيوف الساطية بنتضاره=بيمان ربعاً فاملاقا جزازير
كزة عتيبياً شلع عظم زاره=بمهلباً كنة ملبس بقصدير
تعودة الوركى وذيب الخضاره=على ( العويند ) حوشتة المقادير
و (بو عبيد ) الي يجيد المهاره=اليا جتوال معسكرات المسامير
فالمعركة يقدر يدير الاداره=يثني جوادة عند تال المضاهير
جاة ابلجاً يكرة عدوة مراره=اليا عدى يطرح صقور وصقاقير
وتواجة والكل جرب جماره=وطاح ( الدويش ) بوسط ذيك العثامير
انشد عنة ولا تقفة بثاره=تلقاه في واد الرشا كنة بعير
متفرشاً يمناه عقب انكساره=علية عقبان الفريدة مخامير
وذيب جبلة لياخوع اليل زاره=والطير ياكل منة والساير يسير
و ( بن شري ) فارس وعنده جساره=في نطحة الغازي لياجاكم مغير
لياشافله جمعاً تهاذب مهاره=يلكد على الكردوس والصاير يصير
لكن ضيف نابة اهل المغاره=سباعاً تقانب في خشوم الشناظير
يوماً جمعة صار فية استداره=تشاقلن جسمة وساع الحناجير
و ( فصيل ) درا انا منتوينة بداره=وحشد لنا جمعاً كبر حرة مطير
وطوق نواحي المجمعة بالنطاره=وركب على روس الجبال النواطير
وانها مشاعر جمعكم وستداره=للموقف الي بة تقدم وتاخير
وعقب المواجة صارت الانكساره=( وضاقت على المطران كل المعابير )
عقب تقدم جمعنا ونتشاره=قفو وعجتهم سوات المعاصير
والشيخ ( ابن شوفان ) تم انشطاره=عينت راسة مالقوة الحفافير
و (حسين ) قدامة و( محسن ) يساره=و ( بندر ) قمز فالغرس مثل ارنب الطير
وفيصل خذالة كرتاً وفتراره=وقفى يحث كروش مرخلها السير
والدم من جسمة يفوح بغزاره=قفى ودمان ( الدويشي ) شخاتير
وفي قصر ابن عسكر لجا وستجاره=( ومطير مع وادي الكظيمة قواطير )
حنا نقوم وكل شيخ بوقاره=ماعندنا في واجب الشيخ تقصير
ان زارنا قمنا برد الزياره=ونزيد تقديرة على الشر والخير
ومكارم الاخلاق راس التجاره=ماجودتن فينا بكل المعايير
( حنا بنجد النا مقر الصداره=ولاحدن ينازعنا عليها من الغير )
ولاجاتنا معروف ولاستعاره=الى بصولاتن تفض الشراشير
(عتبان ) فالهيجا سوات النماره=عاداتنا دحر الجموع المناحير
الياحصل يوماً تقادح شراره=خيلن مناحير وخيلن مدابير
نسد باب الراي والاستخاره=وقادو جمالن فوقهن الغنادير
من الي سحب جمعة وتم اندحاره=وقفت ركابة بالمذلة محادير
( الي سر من عقب ماشب ناره )=عقب التحدي يشعم النار وينير
( ويخفي مسيرة عن حليفة وجاره )=وختار للمسرى بطون التسارير
ورتب على درب الكسيرة خفاره=ووزع على الحراس عدة نواظير
حتى نزل بين الورعية وواره=ورتاح عقب مواصل السير بالسير
هذا السبب يعبيد فالانحداره=خل الكلام الي مزيف وتزوير
( مهوب حدرت نجعكم بختياره=جاك الكلام الي وراة التقارير )
وتراء الدويش الي رفعتو شعاره=خيالكم فالمعضلات المعاسير
غرة خوي الجنب يوم استشاره=ونوخ على داورد عرباً خواوير
عقب اضرستة الحرب وونس عواره=قام يتردد بين عذال ومشير
( ورسل لبن هندي جميل عتذاره=وبريتاً مشريتن بالدنانير )
ارسلبها المندوب قبل انهياره=لكن ماتنفع سمان المعاذير
خسر الدويش ولاربح مستشاره=وولو يسجون الضعن بالبواكير
و( شري ) خطرنا منتدب لسفاره=وصارت نتايج سفرة الشيخ تسفير
وليتك نشدت ( الملعبي ) عن بكاره=شرشوح ذودن كلبوهن مغاتير
و( الملعبي ) فالرمح مثل الصهاره=الي عمل لروس الاموات تكسير
هذا دليلن انة يعاني حراره=يحز في كبدة سوات المناشير
والشاهد ان مطير فيهم شطاره=محدن لقاها غيرهم فالمحاظير
( لياعارضو جمعاً وتم انتصاره=يلجون لقبور الرجال المشاهير )
قبر ( الصييفي ) قد طلبتو جواره=يوم ارهقوكم باللحوق المغاوير
خطرتو لقبر ( السبيعي ) خطاره=سمعتو انة يعتني بالخطاطير
يجب عليكم يالمطيري مزاره=يوم احتماكم من سيوف المناعير
على النقيرة قد بنيتو حضاره=وصلت مبانــيكم لجوبة نقير
مار ( العوازم ) صيروها خباره=تقول ناسفها الدناميت تفجير
وزبنتو المسجد وراس المناره=وجمع ( العوازم ) طهر الدار تطهير
خلو لكم بين الصياهد كراره=ولي سلم منكم زبن ديرة شقير
وقولن بليا شاهد ويش كاره=يظربة الحايط ليا صار تبرير
( وانتة كلامك يفتقر للاناره=الله يلومك ياكبير الجماهير )
تقول من يزهي ذراعة سواره=لعيونها دمرتو الناس يامطير
لكن مدري وين تلك النامره=عن ( الدحملية ) يوم جينا معايير
نجرها بين الذراء والغراره=من الهودج الي كن وسطة نواوير
عفر وواشعها صفار بحماره=وباقي الموضوع اريش العين تفسير
انا بشير ولانبيلك بشاره=جتك الرسالة والمعاني معاشير
يلي تدس يديك وسط الجحاره=تراء الافاعي ياكلن العصافير
بينتلك ماقد سبق بختصاره=وصورتلك ميدان الاحداث تصوير
وذكرتلك سبعة من اهل النداره=و ( الثامن ) الي طب في داخل الحير
ولاواحدن منهم قصدت احتقاره=شوخ الجهامة محتمين المثابير
( وحنا السبب في فقدهم للاماره=فقد الحياة ومبعدات المشاوير )
خسارة ياكبرها من خساره=لياصار في رقاب المناعير تقدير
جمعن يحاربنا نضيق قصاره=فالحرب لين الصعب يركب على الضير
ونرمي لجيعان الذيابة كباره=وتبقى العبارة بلا كبير ولامير
وانتة ادعرت لمادعيتة دعاره=بيا سبب يمتيح لوكان قطمير
نغزك شيطانك وغزيت شاره=وعارضتها مابين نقاد ومثير
والرامي التفاق يضبط عياره=والمرتبش يبلش لياصار تطوير
ولكم تحياتي وتقديري
28-05-2007, 02:44 PM
العرض العادي
