محمد العوني .... شاعر قدير صاطي اللسان قوي الحرف .. من اشهر شعراء عصره .. واصبح شعره مسموع
عند اغلب القبائل... وقد انشد وما خلى ... الا وانشده .. وكان قديرا على اصابة الهدف ويأخذ مايريده .. فقد اثار بشعره القبائل وهيجها واقامها واقعدها ... وكان شديد السبك للقصيد وفي غاية المتانه ..
هذا الشاعر قد تولع بالسياسه .. واحتك بالامراء ... وجلس في مجالسهم ... وقد حصل خلاف كبير بينه وبين الملك عبد العزيز ... خلاف كبير .... وقد امر الملك بسجنه ... واوصى عليه ابن جلوي حاكم الاحساء ... فاودعه السجن بأمر الملك عبدالعزيز .. ومكث طويلا في السجن .... حتى حس بالوهن والضعف وادرك ان لن يتوب فانه لن يخرج من السجن .. ووجد ان افضل ما يفعله هو ايصال صوت حرفه الى الملك ... عن طريق قصيده يثبت فيها ... انه مذنب .. ويتوب ويستعطف الملك ... حتى يخرجه من السجن ... فجلس في السجن
والى حوله الحرس .. ينشد عليهم قصيده رائعه المعاني جيدة الاسلوب ... من صميم الالم ... والحسره .... وكم للالم من فضل على الشعراء
فأخذ ينشد ويقول
يالله ياوالي على كل والي=ياخير من يدعا لكشف الجليله
المالك المعبود محصي الرمال=الكون والدنيا ومابه فهي له
يقضي ويمضي قادرا مايبالي=والخلق ماتفعل بلا امره فعيله
اشهد فلا غيره اله ولا لي=رب سواه اخشاه وارجي لنيله
ياواجد فوق السموات عالي=من سطوته كل الخلايق ذليله
يافارج الشده بضيق الحوال=افرج لعبدك يامنجي خليله
وانظر بعينك يابا الافراج حالي=فرد غريب والمصافي قليله
وحيد مالي غير ظلك ظلال=ذليل مالي غير عزك وسيله
ياراحم ارحم شيبتي وانخذالي=ياجابر اجبر عثرتي والفشيله
والطف وناظر يالوالي في سؤالي=لاتاخذن فيما مضى من فعيله
لا اخوان لا عمان لامن خوالي=ولا من صديق في الورى نشتكي له
لو كان مايجلي سوا الله جالي=ماشفت عبد هرجته لي جميله
تقطعت وذم العرى والمدال=من جملة الخلان والمستخيله
قضت من المخلوق مااحد بقي لي=الا انت ياللي ما يخلي عميله
عاودني كل الناس شرق وشمال=ولا بقي غيرك ذرا التجي له
شافوني مذلول وحيد وخالي=ولالي من الفزعات مومي شليله
وانا بعون الله متان حبالي=متجود بحبال منشي المخيله
لو كان كل له صديق موالي=اقراب واخوان وال وقبيله
هكذا اخذ الشاعر ينشد وينشد ... وقد ابحر كثيرا .... حتى وصل الي اعلان التوبه ... ويقول
ياعالم بالمخطيه والعدال=تشوف مالي غير عدلك وسيله
فلا تؤاخذني بما مضى فعالي=ياساتر العورات مضفي جميله
لو كان ذنبي راجح بالجبال =عفوك عظيم ليس ذنبي عديله
اطلبك تقبل توبتي عن خمالي=واطلبك عني كل كرب تزيله
واطلبك تغفر لي وتصلح عمالي=يامزين الخايف الى باد حيله
اخذ ينشد ويستعطف لحاله ... ثم اخذ ينشد ويصف السجن وحاله ويقول
افرج لمن بالحبس دونه رجال=وابواب واقفال وحصون طويله
في وصط دباب غريب لحالي=اظلم ولا ادري وش نهاره وليله
متروك مالي من يريد المقال=لا احد يبي قولي ولا احد يشيله
هكذا احبتي سرد هذا الشاعر هذه القصيده الرائعه .... داخل السجن واخذ يتناقلها الحرس والمساجين حتى وصلت الملك وامر بأخراجه من السجن .... على اثر هذه القصيده ..... ومازالت موجوده ومحفوظه الى يومنا هذا ....اتمنى ان تكون قد نالت على اعجابكم
منقول
16-07-2004, 09:42 PM
العرض العادي
