قصيدة معانات الحب

[دمعة فراق]

السلام عليكم ورحمة الله وبركاته
بصراحه هذي القصيده تعبر عن هم حب كان فيني لشخص
وياليت تحوز علي ارضاكم


عهدًا قطعته حالفًا فيه ما عود

ماعود يا حب الفلس والخساره

غيرك نبي نلقا اهل الطيب والجود

الي يعشقون الستر والطهارا

تلقالهم باب عن النذل مسدود

ما يفتحونه لو ي طول احصاره

ماهم مثلك يالسرابيب معدود

لذه كما لذات شرب الزقاره

ولينقضا اللازم وماعاد بك فود

حطوك بدرام وضع للقذاره

ارحل وسوق الرجل لابعد حدود

عفتك خلاص وعفتك بلخساره

وسلامتكم
وسوري علي بعض الكلمات الي فيها ومحشومين كلكم الا هلبنيه الي فيها القصيده

[مناحي الصميل]

اولا

صح الله لسانك


ثانيا :

عندي ملاحظه على كذا شطر !!

الاول :

غيرك نبي نلقا اهل الطيب والجود


(اهل ) حرف الألف سبب كسر

يعني لو تحذف حرف الألف ماراح يتغير بالمعنى شيء وراح يظبط الوزن بالشطر


الثاني :

ارحل وسوق الرجل لابعد حدود

^
^
^

مكسور هذا الشطر

يعني لو تقول ( ارحل وسوق الرجل لين ابعد حدود )

يصير الوزن ميه ميه


الثالث :


عفتك خلاص وعفتك بلخساره

^
^
^

هذا الشطر ايضا مكسور بالوزن

يعني لو تقول ( يا من خذيت الحب فوقك ستاره )

وانا غيّرت كلمت ( خساره )
لأنك ادرجتها بالبيت الأول الشطر الثاني ومايصير انك تستعملها مره ثانيه


لك خالص مودتي وتحياتي

[دمعة فراق]

شاكرلك علي مرورك مناحي
ومشكور علي الملاحظات
لانه الغلط بطباعه

[محمد المجول]

دمعه فراق

صح الله لسانج طال عمرج

قصيده رااائعه

تمنياتي لك باالرقي والإزدهار الأدبي

تقبلي تحياتي

[جطلي بن فهد]

صح لسانك قصيده رااائعه