حمد بن سااالم ابيك بكلمة راس

البليهي · #1 10-10-2006, 11:49 AM

يا ولد سالم تعال نشوف وقعك
نتعرف ويش وضعي ويش وضعك
خلها ما بين ربعي و بين ربعك
و الحقيقة ما نبي غير الحقيقة

السالفة ما هي لعب بزران
السالفة شي(ن) تعرفونة
وان قالوا الميدان ياحميدان
اجيب علمن ما تجيبونة

حمد بن سالم · #2 10-10-2006, 12:15 PM

وقعنا في خشم من هاز القبيله
ووضعنا راسي كما راس الطويله
وربعي الظفران في يوم الوهيله
و الحقيقة ما نبي غير الحقيقة

البليهي · #3 10-10-2006, 12:43 PM

لاهنت لاهنت
استلم طال عمرك

و شبلاك اتشد في بيت القصيدة
صرت كنك ناقد(ن) وسط الجريدة
احسبك شاعر واحسب انك وليدة
و الحقيقة ما نبي غير الحقيقة

ياخوي قايس شوكة النيشان
من قبل لا المظلوم ترمونه
العلم جاكم يا رفيع الشان
وجدي على اسم(ن) تسمونه

حمد بن سالم · #4 10-10-2006, 02:35 PM

ماعليك اصبر علي واللعب توه
تحسب انك يابيض الشارب فتوه
مامع الشيبان فوق الارض قوه
و الحقيقة ما نبي غير الحقيقة

@الشيــــــــــــنه@ · #5 10-10-2006, 03:22 PM

صح لسانكم ياشعار ...

<< متابعه

البليهي · #6 10-10-2006, 03:29 PM

وسع صدرك واستلم لاهنت

ياضعيف الراي مانحسب حسابك
انت خليت المواضيع اتشابك
بس ابحمد ربي الله يوم جابك
و ا لحقيقه ما نقول الا الحقيقه

يامدعي بالزور و البهتان
مظلومنا ما نخلف ظنونه
والخافي اللي مستتر مابان
خلة و خل اللي يناشونه

البليهي · #7 10-10-2006, 03:31 PM

الشينه حياش اللة وشرفنا مرورش

حمد بن سالم · #8 10-10-2006, 04:52 PM

ادري انك من رجاجيل الحرابه
والذيابه ياعميلي ماتشابه
اشهد انك لاصفى الصافي زلابه
و ا لحقيقه ما نقول الا الحقيقه

البليهي · #9 11-10-2006, 01:11 AM

جزل وممتع يابوسالم استلم طال عمرك

اشهد انك يا عميلي فار دمك
امدحك وانته تحسب اني بذمك
ضاع رايك وادري اني صرت همك
والحقيقه ما نقول الا الحقيقه

انا اشهد انك اشجع الشجعان
لا صار ندك بنت مزيونه
وانا تراي اميز الذلان
من نظرته لاهتزت جفونه

الملك · #10 11-10-2006, 06:32 AM

صح السانك يابو سالم
وصح لسانك يالبليهي بس عندك شطر ناقص كمله لايقولون مكسور وسجلوني متابع
الشطر الي يقول<<وجدي على اسم<ن>تسمونه>> غلطه مطبعيه عدلها لايكسرون بيتك