ياذيب انا بوصيك لاتاكل الذيب

[دغري]

شالح بن هدلان امير الخنافره من قحطان اشتهر بالشجاعه عمر عمرا طويلا ومن بفاجعة قتل اخيه الفديع ثم بابنه ذيب وكل واحد منهما يضرب نه المثل وشاع صيتهما في انحاء الجزيره وبعد فقدهما رثاء كل واحد منهما على حده وهذه قصيده في ابنه ذيب.........عسى ان تنال اعجابكم

ياربعنا ياللي على الفطر الشيب =عزالله إنه ضاع منكم وداعه
رحتو على الطوعات مثل العياسيب=وجيتوا وخليتوا لقلبي بضاعه
خليتوا النادر بدار الاجانيب=وضاقت بي الافاق عقب اتساعه
تكدرن لي صافيات المشاريب=وبالعون شفت الذل عقب الشجاعه
ياذيب انا بوصيك لاتاكل الذيب=كم ليلة عشاك عقب المجاعه
كم ليلة عشاك حرش العراقيب=وكم شيخ قوم كزته لك ذراعه
كفه إبعدوانه شنيع المضاريب=ويسقي عدوه بالوغى سم ساعه
ويضحك اللي صكت عليه المغاليب=ويلكد على جمع العدوباندفاعه
وبيته لجيرانه يشيد على الطيب=وللضيف يبني في طويل الرفاعه
جرحي عطيب ولابقالي مقاضيب=وافخت حبل الوصل عقب انقطاعه
كني عقب فقده إبحامي اللواهيب=وكني غريب الدار مالي جماعه
من عقب ذيب الخيل عرج مهاليب=ياهل الرمك ماعاد فيهن اطماعه
قالوا تطيب وقلت وشلون ابا طيب=وطلبت من عند الكريم الشفاعه

[ابوتركى]

شالح بن هدلان شاعر معروف وهو الذى رثا ابنه وهو لايزال حى

قصيدته مشهوره واتقنت الاختيار اخى دغرى متميز دائما بمشاركاتك

تحياتى

[دغري]

الله يعطيك العافيه يابو تركي
على المرور (والعين ماتعلى على الحاجب)

[راكان اليامي]

شالح بن هدلان شاعر معروف وهو الذى رثا ابنه وهو لايزال حى

قصيدته مشهوره واتقنت الاختيار اخى دغرى متميز دائما بمشاركاتك

تحياتى

[ابوحمد الشامري]

بيض الله وجهك يا الدغري على ذكر هاذي القصيدة الجزله وشالح وولده ذيب غنيان عن التعريف اللهم أرحمهم وارحم موتى المسلمين أجمعين.

تحياتي لك يا السنافي

[دغري]

شكر لكما على مروركما
راكان اليامي
ابوحمدالشامري

[Saudi]

لاهنت اخوووي دغره علي القصيده الجزله هاذي ومادري منين جبتها والله ان تنغز الحيود لين اجيبها وعلي هذا الاستيل الجميــل وتحياتي لك

[دغري]

شكرا اخوي سعودي
الحمد الله على السلامه وين الغيبه

[سعـود]

احسنت الاختيار يادغري واختيار موفق الى الامام وانا اخوك

اخوك سعود

[دغري]

شكرا على مرورك اخوي سعود