عيب ياشركة الاتصالات والوطنيه...!!

[شقران]

السلام عليكم

الكويت الدولة الخليجيه الاولى التي يوجد بها شركتين منفصلتين للاتصالات

المتنقله وهم شركة الاتصالات المتنقله وشركة الوطنية للاتصالات ولكن المشترك

الكويتي هو الخاسر وليس الرابح ونوضح بعض السلبيات والايجابيات:

الايجابيات:

1- ان قيمة الخطوط نزلت بعد ماكان الخط ب100 دينار اصبح اذا طلبت بيتزا

يعطونك واحد مجانا ولا يمكن ذهبي بعد

2- قيمة الاشتراك بكاشف الرقم كانت 50 دينار بالسنة وحاليا اصبحت 10 دنانير

بالسنة.

هذا اللي اعرفه اذا في ايجابيات غيرها مادري معنا متاكد ان مافيه

السلبيات : ياويلهم

1- اذا اتصل بك شخص من هاتف منزل يحسب عليك ليش انا مستقبل وليس

مرسل .....ياللعجب.

2- اذا اتصل بك شخص عزيز من هاتف دولي اي خارج الكويت يحسب عليك والله

فضيحة واحراج... ونحن الدولة الخليجية الوحيدة الي عندنا هالعيب.

3- اذا تريد ان تاخذ خط GSM يعني بالعامية (فواتير) لازم تأمين خمسين دينار

خلونا هنود موناقص الا كفيل ونصير سيلانيه.

4- اذا تكلمت ثانيه ولا عشر ثواني ولا لحظه يحسب عليك دقيقه ليش مادري

قاعدين بطنطا حنا الدعوة فيها بخشيش.

5- اذا دخلت سوق ولا مكان مزحوم الشبكة تكون مزحومه ومشغوله ونحن من

الدول الغنية بالعالم ونبني شبكات للجزائر والعراق وغيرها من الدول وحنا

ماعندنا ماعند جدتي ( لاوالله يمكن جدتي عندها احسن منهم).

6- ثلاث شهور اذا مادفعت تلفونك اسحبوه منك وكل يوم يدقون على العجوز

ويخفونها ولا يمكن يمنعونها من السفر (تنحرم من شوفة الوادي) واحتمال كبير

يسفرونها هالمرة لاحنا هنود ولا سيلانيه صرنا بنغلاديشيه

ياجماعه ماصارت يسرقونا عينك عين وحنا ساكتين لازم نوقف الحراميه عند

حدهم اين مجلس الامة الي ذبحونا بالبدون واين اصلاحات الحكومه التي تتمتع

بأسوا شبكة اتصال وخدمات بالخليج والله........... عـــــيــــــب

ودمتم,,,,

[كويتيه]

يعطيك العافيه شقران
و ترى عادي بكل مكان جذي بكل مكان نصب.. حتى بكندا نفس السلبيات

بس ماعندنا الوطنيه و الاتصالات


يعطيك العافيه

[كويتي]

يعطيك العافيه شقـران عز الله انك صــادق
خاصتآ هل وطنيه النصابين مره فتحت عندهم خدمة GPRS
تصدق خلال يومين قالولي عليك 30 دينار بس خدمة GPRS
والمكالمات 50 اوف انصدمت قلت توني دافع 70 من يومين
قالو اخوي انت تتكلم واجد في التلفون نصــابين ،،
في يوم عصبت ودقيت عليهم ردت علي وحده وطنية تفضل
وياك ما ادري شنو قالت اسمها وهذى الصوت الناعم راحت
فيها انا قلت اختي جذيه جذيه السالفه قالت اخوي راجع
برج التحرير دقيت سلف وروح لهم ،،
دشيت ولا واحد متين كرشه منتفخ من الفلوس قلتله السالفه
قالي روح للاخت فلانه دشيت عند الاخت فلانه ولا هذى الصاروخ
وحده بمعنى الكلمه انا شفتها نسيت السالفه قالت امر اخوي
قلت السالفه جذيه جذيه قالت اكيد تتكلم واجد قلت هاا ما ادري
اشلون شنو السالفه ضيــعت انا ليش جاي يوم شفتها هههههههه
<== قلبه ارهيف ما يتحمل الخشوف
قالت اخوي فاتورتك صحيحه مافيها اي غلط قلت لها اكيد انا غلطان
.الوطنيه عمرها ما تغلط انا اسف صدقيني انا الي غلطــان هههههههه
وراحت السالفه ،،
وتوااتواا خلصت الحدوته

كويتي

[شقران]

السلام عليكم

كويتيه ..... لايبا مو كلهم نصابين بس الكويت جميع النقاط اللي ذكرتها موجوده

بالكويت بس حتى دول الخليج مافيها الشيء هذا وشاكرلك مرورك.

كويتي..... هم خلوك تروح عند الخشوف عشان ينسونك فاتورتك وشاكرلك

على مرورك.

وننتظر المزيد من التعليقات..

ودمتم,,,,,

[مـحمـد]

شكرا على الموضوع

لكن الخمسين دينار لا شالوها من زمان بخصوص الفواتير

وياخى حقهم وش يضمنهم بالناس كلها ؟

وبعدين اللي يبي الدح لايقول أح

كل شي وبحسابه

لا الحمدلله شركات الكويت افضل من بقيه شركات الخليج ولله الحمد

لو تروح تشوف البقيه تطق على راسك

وطبعا ماحد يخلى من بعض العيوب
لكن شى احسن من شى وشكرا

[كافي عذاب]

مشكور يا قلبي على الموضوع
كلوووووووونا
شقران تشكر

[الوطن]

اخى الفاضل
شقران

لازم تسأل نفسك
هالسؤال



شلون يستفيدون ؟؟؟؟؟؟؟؟؟

[النايفه]

يسلموووووووووو شقران على الموضوع...

بس والله الي قاهرني شي واحد ان لما احد يكلمنا من برا يحسب علينا وعلييه..طيب احسبوا عليه حنا اشدخلنا هو المتصل

<<<<<<<<<<<كل ما احد جا بيكلمها من السعوديه ولا الكرت مخلص وتفشلت معهم وقالت لهم المشترك لايمكنه استلام مكالمات


تحياتي,,,

[النازي]

يعطيك العافيه أخوي والله كلنا أنعاني
بس ما أنقوووووووووووووول ألا
مالك ألا خشمك لكان أعوج

الناااااااااااااااااااااااااازي

[شقران]

السلام عليكم

العجمي.... نحن في وقت كثرت فيه شركات الاتصالات ويجب على المشترك ان

يكون له راي لان على مشترك يجب على الاقل وعلى الخمسين دينار ماشالوها

للحين روح بنفسك وتأكد .

وكافي عذاب....اي والله كلونا لكن جميع من هم اصحاب القرار فالبلد يمتلكون

نسبه من هذه الشركات يعني( حاميها حراميها )

كيفي هاجريه .... سالت نفسي هذا سوال الف مرة قبل لا اطرح الموضوع ولكن

لماذا الشركات في الدول الخليج افضل منا وارخص منا فهم يعني لا يستفيدون

ونحن بالنصب نستفيد

النايفه.... الله يعين فشلونا انا من رايي نرجع عشر سنوات الى الخلف ونستعمل

البياجر

النازي.... الخشم العوج يتعدل في له عمليات تجميل وينصحون الدكتور مجلس

الامه يعدله

وشاكرلكم مروركم