فيه ناس بتاخذ اي حاقه مع انها مش محتاقه <<معليش هذي المقدمه
فيه ناس اول مره يدخلون الرياض وكانوا يتكونون من الأب والأم ومحيميد ودحيم وحصه(والدلع حصيصه)
راكبين السياره ونيت رفرف جمس موديل 79وصدام مشرطن بشطرطون وكانو العيال كاشخين لأنهم سمعو امهم وابوهم يوم يقومونهم( بالترجيف طبعا وسبعمية لعنه) انهم بيروحون للرياض
محيميد لابس تكميله (ياقدمي على تكميله) والسروال اخضر فيه خط اصفر والتشيرت اصفر (ابوك يالأناقه)
ودحيم ثوب بكبك بس طبعا ماعنده كبك حاط مسامير والغالوقه طويله واصله اذانه(والله من الملح)وطاقيه فيها زري ( طالع راسه كنه عرس)
عاد نجي للبنوته حصيصه(وماادراك ماحصيصه) لابسه تنوره حمرا (أغراء) فيها دوائر برتقاليه والبلوزه العائليه اللي متقاطه هي وامها وبنات الحاره فيها وجاكيت رسمي هذاك اللي ياقته حمرا وازاريره ذهبيه وحاطه شباصات على شكل فراشه كبيره وشاده شعرها بقوه من كثر ماهي شادته عيونها مبزره وصايره حواجبها 88(عادي لزوم الكشخه الرياض هذي)
ومشوا للرياض في هالوانيت مركبين حصيصه وامها ورا في الحوض ودحيم ومحيميد مع ابوهم قدام ناشبه خششهم في القزازه
المهم باقي على الرياض عشرين كيلو في هذه الفتره مر فارس احلام حصيصه وشطفهما بمكسيما2003
وكانت ام حصيصه متوسده ركبت حصيصه حصيصه شافت راعي المكسيما ولما شافته وهو يغمى عليها
وقامت على دبجة امها لها مع راسها(رصعه بالعربي) وتقوم وراعي المكسيما وراهم شاف الاحمر يلوح وراهم وراهم(والله النشبه ذا ماشاف خير)
ودخلو الرياض ويقوم دحيم ينبز اخوه محيميد شف هالقلم الطويل وصقعت روسهم ببعض واغمى عليهم(مير هذولي مايبيلهم شي على جريف الاغماء جاهز)
وابوهم دور اقرب مستوصف طبعا راعي المكسيما وراهم ونزل مسوي فزعه معهم ويتل محيميد ودحيم هو وغالوقته (كاشخ للرياض)
وحصيصه طايره عيونها مع هالاطخم خاقه معه ودخلو العائله المستوصف واستغل الفرصه راعي المكسيما ونطل الرقم بشنطة حصيصه وانحاش(مالت من فزعه) وهي لازالت طايره عيونها
وطلعو من المستوصف يكملون الطريق طبعا هم الحين ميتين جوع ويدخلون مطعم وقعدو وحصيصه اصرت تقعد جمب الدريشه وجاهم القرسون وقالهم وش تشربون (يعني لاتعشون الله يخليكم اشربو شي وضفو وجيهكم يلمح)
قالو عندك لو سمحت ميلك كاميل(يعني حليب نياق) بس مسوي لي ابو دحيم انه كشخه
وتطل حصيصه من الدريشه وتلقلى راعي المكسيما واقف عند الاشاره<<ياكثره ذا مايخلص
المهم ويغمى عليها ويرصعها ابوها متعودين على حركات حصيصه وتقوم وتقول ياااااااااااويلي ويلااااااااااه
وقزها راعي المكسيما من دريشة المطعم وعرفها وصار يقول اااااااااااااه<<يعني اني طرزان
وهو يديور وينزل ويرقى للمطعم وتقوم حصيصه وتقول بروح للحمام <<على بالها تصرف الحين
وتلحق راعي المكسيما وتقول وش جابك ابوي فيه رد عليها لحقنا نتعرف على بعض عشان ننحاش من ابوك
وعلى طول يغمى عليها<<الظاهر فيها انيميا حاده البنت
المهم قام يقرا عليها ومانفع ويرصعها وقامت (ماتقوم الا برصعه) هو الرجال دخلت قلبه هاالادميه
وفجأه جو دحيم ومحيميد وشافو حصيصه بالجرم المشهود ويقوم دحيم يعض ثوبه ومحيميد يعض فنيلته ويركضون وراه في الدرج وفي الشوارع
وتجيك هالشاحنه تمشي مليونيين وشافها راعي المكسيما ويقول ياااااااااويليييي ويلااااااااه وكانت هذي كلمته الاخيره<<خل الاحمر ينفعه ولا كل شوي يغمى عليها بعد
وينفقش راسه تحت الشاحنه ومع الروعه ماتو دحيم ومحيميد وتوهق فيهم راعي الشاحنه
حصيصه جاها انهيار عصبي في الدرج حق المطعم<<ودي اشوف شباصتها بمكانها للحين ؟!
وهي الحين في شهار واذا ماصدقتو درج المطعم وشهار يشهد ونجم الليل ياروحي<<انواع مسك الخطوط خخ
الابو شافهم مع الدريشه وشيب فجأه وطاح على الدريشه ولاه في السياره اللي عارضينها قدام المطعم ولا راسه طحين ومااااااااااااااااااااااااااات
الام جتها سكته قلبيه وماتت
وهذي النهايه المؤلمه لحصيصه وراعي المكسيما<<حشا ماتو العائله كلهم
تحيايي
مدهال^الموت
16-05-2004, 03:25 PM
العرض العادي
