اريد تكملة البيتين هذي يال سفران

[راكان اليامي]

سلام عليكم
وماجورين والسلامه

هناك بيت شعر سمعته من احد الشباب لكن اريد باقي الأبيات أو القصيده .....
(ربعي سفارين على الخيل فرسان اليا اعترض راعي الوحاني نوطيه)

ابيها للضروره

تحياتي

[المستشار]

راكان اليامي
السلام عليكم

اسمحلي بنقل سؤالك ومشاركتك إلى ديوان الشعر العام لعل من يعرف القصيدة أن يفيدك ويفيدنا فيها.


مع تحياتي


المستشار

[راكان اليامي]

هلا بالمستشار

يكون احسن والله
لاهنت

[مـحمـد]

ابشر ماطلبت شى

اليوم المغرب تحرا لها بكتبها هنا

هى موجوده عندي

سلام عيكم

[راكان اليامي]

هلا بالعجمي
قد ذا ياخوي عاشر مغرب وانا انتظر
وين القصيدياراعي القصيد

[الشرس]

الأخ راكان انا اللي برد عليك بدال الأخ العجمي

اول شي مادري اذا انت تعرف سالفة القصيده ولا لا
واذا كنت تعرفها فأنا اشره عليك لانك تجيب علوم محد ودها يذكرها وعلوم مضت بين ال سفران وبين اخوانهم ال ناجعه
واتمنى ان السوالف هذي ماتنذكر في المنتدى
فلايوجد فخر لالسفران او ال ناجعه فهم ابناء رجل واحد راشد ابن معيض
والأشياء هذي مضا عليها الدهر ومفروض انك كمشرف ماتطرق لها


تحياتي

[راكان اليامي]

هلا بالغالي الشرس

والله انا واحد طلبها مني وقلت ابنشد ال سفران وباخذها

منهم والله لاادري عن سالفتها ولا هي من عوايدي انبش بشي تحز بربع وبني عم

والمنتدى يالغالي مليان من ال سفران لو اتوقع فيها شي كان تكلمو قبلك

بس يانهم ناسين والا ان القصيده مهيب اللي في بالك لان القصيده فيها مدح

وكلن يحب يمدح قبيلته بس انشاءالله انك ابخص يالشرس

والعذر والسموحه على الاطاله

وان كان القصيده لها مناسبه تحز بالنفوس فاطلب من مشرف القسم هذا ان يمسحها

والرجال اللي طلبها ترى لاهو بعجمي ولا يامي بعيد عن القبيله

تحياااتي

[دغري]

تحيااااااتي اخ الشرس واخ راكان اليامي
القصيده عندي بس للمصلحه العامه لهذا المنتدى احب ان اكون محتفظ بها

[الشرس]

السلام عليكم

اخوي راكان
انا معاك انها مدح
بس مناسبتها كانت في وقت مشاكل بين ابناء العمومه
ولا ودنا نذكرها عشان خاطر ربعنا

هذا المقصد من الكلام
ولا هي ماتمس ال سفران من اي ناحيه

تحياتي للجميع

[راكان اليامي]

يامرحبا بالشرس

تنحذف المشاركه احسن من انها تبقى

وارجو ان ال سفران يعذورني لاني حبيت اخدم الرجال والبي له طلبه

تحياتي