قصيده جميله لابن جدلان

[ياحبني لكـ]

الجــــهــــالــــة


الجهاله في بني آدم توليه الدبــور
لو طريقه غادي يحسبنه متجه

يحسب ان ما مثل شوره مع الاشوار شور
ما يعرف أن له مزاج وللناس أمزجه

يمكن ايلاقي مزاج يبتدله الشعور
وهو على فلم الشطارة وفلم الدبلجه

وآخر المشوار لا حصلت ما في الصدور
كل زور فيه شور لمن ضاق هرجه

يحسب أن معه أفضليه توليه العبور
ان لقا الملح أزعقه وان لقا الحلو أسمجه

القمر والشمس كنها تسلف منه نور
والحبال تصير تحته خيول مسرجه

والسما عجزت تصل له جناحين الطيور
ما وصــــله إلا محمد بلــيله معرجه

يا بنادم يلعــــــــــــن الله مختال فخور
من تواضع تحت ربه يعلـيه درجه

لأجل ما تدخل جهنم على شأن الغرور
للعـرب حاول تواضع وتعطـيهم وجه

من لقا عذب المشارب ومثمرة الزهور
ما قعد يغرف من البحر ويسوق أحدجه

[يآحبني لهـ]

صح لسانگ ولسان شاعرها
ولاهنت ع النقل

[ياحبني لكـ]

صح بدنك
ولاهنت ع مرور

[ابورامي]

ياحبني لك صح لسانك ولسان ابن جدلان

[الـعـابـر]

صح لسانگ ولسان شاعرها

[ياحبني لكـ]

المشاركة الأصلية كتبت بواسطة ابورامي

ياحبني لك صح لسانك ولسان ابن جدلان

لاهنت بأبو رامي ع المرور
وصح بدنك

[ياحبني لكـ]

المشاركة الأصلية كتبت بواسطة الـعـابـر

صح لسانگ ولسان شاعرها

لاهنت العابر ع المرور وصح بدنك

[ياعين أبوي]

يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه


قصيدة رائعة لشاعر قمّة
لاهنتي

[ياحبني لكـ]

المشاركة الأصلية كتبت بواسطة ياعين أبوي

يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه


قصيدة رائعة لشاعر قمّة
لاهنتي

يسلمووووو ع المرور وقصيده جميله ومن مدرسه شعريه وعملاق الشعر
ابن جدلان ولا انت معك أخوك: ياحبني لـك