طباشير..!

[فهيد بن سالم]

( تركت ) لي من بعدك اشياءِ جميله !
واصبر لو إن الصبر ما عاد ( ينطاق )

بس البلا شلت ( الحمول الثقيله )
على كثر ما أصبر :-
................ على كثر ما أشتاق !



.

[فهيد بن سالم]

يا كيف صدَّقتك ويا كيف ( آمنت ) ؟
...................( وفيت ) لكن خوَّنت بي سنيني

كنت بيديني بسْ يا لـ لأسف كنت !
...................جور الزمن خلاك منت ( بيديني )

وشلون رحت بلا ( موادع ) ولا بنت ؟
...................وفي غيبتك فجَّرْت ينبوع عيني :-

في راسي أستفهام لـ الحين مـ أيقن
...................( وش سبَّة غيابك وزفرة أنيني ) ؟

( ودي ) مجرد يوم واحد أكون أنت ,
...................( وآعرف تفكيرك ونظرتك فيني ) !





.

[فهيد بن سالم]

بـ تبقى معي بـ تروح فكر وقل لي
....................قل لي عشان اعرف اواجه مصيري ,

ما ودي اعوّد على ( طير يا اللي )
....................واقول لـ ظنوني ( مع الريح طيري ) !




.

[فهيد بن سالم]

خلك مع ( فالك ) وتدري مع الوقت ,
..................أن ( الغلا ) في خاطري مابعد ( راح )

قاطعتني ياصاحبي صدق قاطعت ؟
..................عساك لا من غبت , ( طيب ومرتاح )

أشتقت لك , وأنته بعد مثلي أشتقت
..................وبرق ( الندم والهم ) من فوقنا لاح :-

تدري وش آغني بعد ما ( تغيبّت ) ؟
..................( أي والله أهوجس ولا ني بـ مرتاح ) !





.

[فهيد بن سالم]

( اللِّيل والأحزان والدمع والـ Note ) ؟
..............كل يوم نبكي قلب في البُعد أسرف :-

( تعبت ) أنادي بس ما فادني الصُّوت
..............الطير طار وفي سما ( الغير ) رفرف !

( أحتاجك ) وتعبان من كثر السكوت
..............وحزني ( تمرَّد ) في الغياب , وتعجرف

من قال بـ غيابك مضيِّفني الموت ؟
..............مامتِّ بَعدك بس ( لوميِّت أشرف ) !




.

[فهيد بن سالم]

ياللي جرحت الخفوق ورحت متعافي
.................هو هان قلبي عليك أو هانت العشره

مشكور ما قصرّت يمناك يـ ( الوافي )
.................خل التعازي لوجه ( أيامنا القشره ) !



.

[فهيد بن سالم]

يمكن سنه ولا ( شفاهي تحاكت ) :-
....................بـ غير ( آحبك ) ياغلا روحي ( وأنت )

عدت سنه بعد السنه ( شبه ساكت )
....................وسألتك أنت تحبني قلت ليّ ( كنت ) !



.

[فهيد بن سالم]

( برحل ) مع الليل وبترك لك حنين وكلام
..................ذبلت شفاهي ومات الشوق , وجسمي نحل

( مع السلامه ) ، وكثـّر الله خيرك مدام :-
..................شعور قلبي من قبل اروح شفته ( رحل ) !




.

[فهيد بن سالم]

لو ( الزمن ) يرجع على قول ياليت ؟
..............ما كان لـ الذكرى بـ حياتي ( طواري ) !

ولو الهوا يبقى على ما ( تمنّيت ) ؟
..............ماماتت ( أحلامي ) على أوّل نهاري !




.

[فهيد بن سالم]

( الحزن ) من يوم ما جيتي تبدد
مرحبا بك مرحبا بك يوم ( جيتي ) !

كل ضلعٍ من ضلوعي لك يردد :-

ما بغيتي !

ما بغيتي !

ما بغيتي !




.