السلام عليكم
قد لا يعلم الكثير .. إن لم يكن الجميع بأن الاديب العربي الشاعر/ غازي القصيبي يكتب الشعر النبطي .
ولكن الحقيقة أنه يبدع فيه ، وهذا مكسب لشعراء النبط.
كيف لا وهو ابن السعوديه منبع الشعر الفصيح والنبطى
بتاريخ 4/7/1418هـ وصلت الى احد جلساه ورقة مكتوب بها بيتين من النبط للشاعر/ غازي القصيبي ، وطلب منه إكمالها (اتصور بيختبره)، وقد وجهها لسعادة سفير دولة الإمارات العربية المتحدة في لندن ، الشيخ /عيسى صالح القرق (أبو صالح) عن طريق الدعابة ، عندما كان القصيبى سفيرا فى لندن . بمناسبة سفر بعض السفراء العرب إلى دبلن من لندن بإحدى الطائرات الإماراتية ، فكانت القصيدة التالية:
اتمنى ان تنال اعجابكم ............................
مشكور يا عيسى تجيب الطيايير = تسري على دبلن وترجع بلدنا
نركب عليها بدون زحمة وتأخير = شيهانة فيمـا تصيد انفردنا
لا نأضت الجنحان ثم التوى السير = واشر لنا نور الحـزام وقعدنا
ثم ارسلت جنحانها كنها الطير = وفي ساعة للي نبيهم وفـدنا
تبدأ سواليف الوجيه المسافير = وننسى الوجيه اللي تسبب نكدنا
وقمنا نصور كامل الأرض تصوير = على الكراسي ما نكتتلف جهـدنا
ناصل إلى دبلن وحنا على خير = والا انقضى اللازم على الدارعدنا
يوم ان بعض الناس يقطع مشاوير = حنا بغمضـة عين يصهل رعدنا
وجتنا صحون نايفات مزابير = مثل الطعـوس النايفة في بـلدنا
تلقى النعيمي بالصحن كنه بعير = والا قضـن ذولي .. فذوليك تدنا
نشرب بها حتى حليب العصافير = ومن المفطـح والدلال اسـتزدنا
دلال تبهر صافي البن تبهير = ريحـه يجينا قبل ياصـل لـيدنا
ينصب فالفنجال صب الدنانير = ما صب لاحـدٍ قبلـنا ولا بعـدنا
اشقر مزعفر نايش ماه تحمير = لا دوروا شهـد النحل هو شهدنا
يطرب عليه اللي كثير التفاكير = اللي ورد بالعشـق درب وردنا
ما خلا ابن مكتوم بالدار تقصير = في وسـط هيثرو رابضات عددنا
رجال نخوة ما يعرف المعاذير = هـو عـزنا بالنابيات وسـندنا
من لا به تظهر ليوث مغاوير = من جـودهم بابياتنا غصب جدنا
ريف الضعيف مكرمين المسايير = واللي جحـد طيب قصرانا جحدنا
لا جا نهارٍ فيه غدر ودواوير = زهد وا بلذات الظـلال وزهـدنا
رجالهم لا صاح طاحت طوابير = يخافه القاصي قبل خوف الا دنى
نودهم واهل الوفاء ودهم خير = وبودهـم خـل الحسود يحسدنا
اخوان اخو نوره رجال مناعير = هـم قلبنا وأرواحنا .. في جسدنا
في ظل ابو فيصل تزين المقادير = والا زرعـنا اليوم باكر حصدنا
الله يحفظ للكرم زايد الخير = ويحفـظ لنا ليث العرين وفـهدنا
ما ظن ابو صالح يبي أي تفسير = يدرى بما قلنا وباللى قصدنا
للجميع اطيب تحيه
30-05-2005, 04:25 PM
العرض العادي
