ČẳŁěňąя ĻŭςҜ

[here Lucky boy]

ܓܨ.• ღ.• ღ.• .. رزنــامـــه الــحــظــ .. ღ.• ღܓܨ

هنا


نعم

هنا


سأحاول الهروب

من الانظار وعيوون الناس

إلى ركن هادي

أكون به سيد ذاتي

[here Lucky boy]

ܓܨ.• ღ.• ღ.• .. الحياة .. ღ.• ღܓܨ

من



كفن الزمن



إلى



كفن الدفن


(تـعـــتـبــر )



dangerous game

[here Lucky boy]

ܓܨ.• ღ.• ღ.• .. برلمان .. ღ.• ღܓܨ





ما أن اتحدث مع احدث في شؤون البلد ووضع مجلس الامه

حتى يكون (للتكتل الشعبي + التنميه والاصلاح) نصيب الاسد بالحديث

لانها صنفت انفسها كفئه معارضه

فدائما كنت اقول ان الاستجوابات والتصويتات عليها ليس المحك الرئيسي للكشف عن القناع

ورزقنا الله بقضيه الخصخصه


بعد احداث 11 سبتمبر


صرح بوش انها حرب صليبيه

بالرغم ان الدراسات تقوول

الإرهاب من حيث تعريفه على نطاق الأفراد كما على نطاق الدول.
فما يراه البعض إرهاباً يراه آخرون دفاعاً و مقاومة و تحرير و ثورة

فالاعلام بدووره مشكوورا صور لنا ماقاله انه الرئيس الامريكي ماهو الا زله لسان

وصدقنا ونسينا ايضا ماقاله

ان كان النسيان نعمه فالتصديق سذاجه



ضمير الامه مسلم البراك صرح وقال

الخصخصه هي بيع للبلد

سؤال البلد الان هل احمد السعدون باع البلد ..؟؟؟

للامانه لا اشك ولو للحظه واحده في الرمز أحمد السعدون

لان المجلس يرونه الناس 50 عضو بينما اراه انا عضو واحد فقط

وراح اعتبر ماصرح به مسلم البراك زله لسان

لاني ممكن اطعن في نزاهه مسلم والطاحوس والدقباسي

قبل ان اطعن في نزاهه العم احمد السعدون


اذاعات البلد و الصحف

خرجت من نطاق

في الواقع + في الحقيقه + وشموليه + نظره موضوعيه + قفزه نوعيه

وقامت تطنطن على هالمووضوع على امل تفكك التكتل الشعبي

(وانسحاب الرمز منه)

حتى يصبح تكتل بدوي خالص

ويسهل محاربته بمقوله هذي معركه بين ( الحضر والبدو)

تحت بند فرق تسد

حتى يقال اصبح تكتل بدوي

والايام القادمه تحمل سيناريوهات مشؤومه بالنسبه لي

هديه مني لسنه اولى برلمان



غير موافقين:
1 – جمعان الحربش
2 – حسن جوهر
3 – خالد العدوة
4 – دليهي الهاجري
5 – سعدون حماد
6 – شعيب المويزري
7 – صالح عاشور
8 – صالح الملا
9 – فلاح الصواغ
10 – مبارك الخرينج

سبب عدم انسحابهم مع المسلم والطبطبائي وهم في قارب التنميه والاصلاح

ابحث عن حدس في القضيه


الغريب في الامر ان الاعلام غائب

عن هذي القصه

[here Lucky boy]

ܓܨ.• ღ.• ღ.• .. الورع و الجاهل .. ღ.• ღܓܨ






الاعلامي والناشط في بريطانيا عندما تختلف معهم

في مناظره أو مناقشة في بلده يأتي بحجة من شكسبير لاقناع مستمعيه
والايطالي يأتي بحجة من دانتي
والفرنسي يأتي بحجة من فولتير
والألماني يأتي بحجة من نيتشة

لكن في الكويت وسكوب تحديدا الوضع مختلف فالحجه هنا هي السب والقذف

[here Lucky boy]

ܓܨ.• ღ.• ღ.• .. ـ موعظه .. ღ.• ღܓܨ


كان فيه بنت في احد المعاهد ومتزوجه

وعلى بدايه الكورس سالها عمهاا عن جدولهاا وعن دكاترتهاا

وعرف احد الدكاتره عقب فتره أتصل على الدكتور بيوصيه على مره ولده

قال الدكتور ابشر بس ترى هي ماتحضر عندي

قال الشايب في خاطره ممكن تكون تبي تكنسل الماده جدولها مزحووم

او عندها شي مدري عنه

وجاء ذاك اليووم الصبح الشايب قايم

ويشووف مره ولده اللي هي بالاصل بنت اخيه ركبت مع السايق بترووح لمعدهاا

تذكر كلام الدكتوور ورقص معااه الفار شوي وركب سيارته وقام يتبعهااا

يوم وصلت المعهد نزلت من السياره وركبت في سياره ثانيه فيهاا بنت مع سايق

وقام الشايب يتبعهم

الا ان وصلوو أحد المطاعم بعد ما ادخلوو المطعم بعشر دقايق تقريباا

دخل الشايب وراهم ونطحته الفلبينيه وقال لها فيه 2 منقبات دخلوو وين راحوو

قالت هناك تاشر له على الكبينه

والكبينه زجاج بس ماهووب واضح اللي يجي مربعات ثقيله تشووف الازوال بس

اقبل الشايب على الكبينه الا ذوله البنات 2 ومعهم 2 شباب

انسحب بهدووء وراح للبيت

يوم جاء الظهر وجات البنت من المعهد قال تعالي ابيش

وركبهاا معاه السياره وبدا رحلت النصح

يابنت سوالف الخبال وسوالف الفساد ماهيب عند اهلناا ولاحنى بنعرفهااا

وتفووع عليه البنت وش شايفني احترم نفسك انا اشرف من بناتك الخ الخ

قال لحظه لحظه

اليووم انتي ماركبتي مع وحده سياره فلانيه لونها كذا

ورحتو للمطعم الفلاني وقعدتو مع 2 في الكيبنه الفلانيه

عقبه انهارت البنت وقامت تبكي والشيطان والشيطان

قال اول مانؤصل البيت تشلين اغراضش وبوديش لاهلش ولحد يدري بالسالفه

وبكلم ولدي يطلقش من غير لا اقوله السالفه

وصل البيت ومدري وش خذت معهاا وقطها عند اهلهاا

وكلم ولده قال طلق فلانه الصبي انصدم قال ليه قال طلقها وبس

قال بطلقها ابشر بس لازم اعرف وش السالفه

قال الشايب مانيب معلمك بالسالفه وطلقهاا

ويحلف الصبي انه مايطلقها لين يعرف السالفه

قاله الشايب السالفه عاد

عقب قال الصبي مانيب مطلقها لين اجيبها البيت (العن والديها) عقب اطلقهاا

ويترجاه ابيه والصبي راكب راسه

البنت راحت لاهلهاا ونشدوها من السبه وتبلت على عمها بسوالف

قام اب البنت وكلم اخيه ابو الولد ودعااه شسالفه عيا يعلمه

عقب الحاح شديد علمه بالسالفه

وطلبات من ام الولد وابيه عشان يطلق البنت وبالفعل طلقهاا

نهايه النص نحتفظ فيهاا

[here Lucky boy]

ܓܨ.• ღ.• ღ.• .. ـ يوميات .. ღ.• ღܓܨ


هي : زين شبكت من اليوم انطرك

انت: عسى ماشر فيه شي

هي : لا ابد كنت باخذ رايك في موضوع

انت : امري وشهوو الموضوع

(اي شي يكوون مالك صله فيه نهائيا )

قصه ... قصيتين ....سالفه.... حكايه ... روايه

هي : اقولك شي

انت : ويش

هي : في شعور غريب يجذبني صووبك

انت : اقسم بالله حتى انا

هي : احس اني اعرفك من زمان

انت :سبحان الله .. والله نفس الشي معاي

هي : انا خايفه تنقد علي عشان قلت لك كذاا

انت : ترى الدعوه عوافي ماقلتي شي ... شعورك وقلتيه
واصلا انا كنت بقوله ... بس خفت ماتصدقيني

هي : ليه ما اصدقك ..؟؟

انت: مدري خايف تقولين هذا راعي سوالف ويبي يقص علي

هي : لا قسم بالله انت غير ومستحيل اشووفك بالشكل هذاا

[here Lucky boy]

الجازي : انتي ليه ماتردين على التلفوون البارحه

هي : تكفين مابي اتذكر اسكتي والله بكيت بكي

الجازي : ليه شسالفه

هي : الحيوان الحقير محمد

الجازي : شسوى الحيوان

هي : تدرين انه يخوني الحقير

الجازي : شلون دريتي

هي : علمتني منيره

الجازي : ترى منيره حقيره وماتدانيش يمكنها مألفه السالفه هي اصلا حاسدتش

هي : لاجايبه تلفون خويتها وتوريني مسجاته لهاا

تخيلي الحيوان المسجات اللي ارسلها له لقيته يرسلها لهاا

الجازي : ماعليش هو الخسران لو يمووت مايلقى احد مثلش الحقير

هي : اسكتي اسكتي تكفين

[here Lucky boy]

الجازي : مادريتي

النوري : شنو بعد

الجازي : سويره تخانقت مع محمد

النوري : اني داريه شرعهاا كل يووم طايره في واحد
وعقب تخانق معااه

الجازي : الحقيره منيره هي اللي خربت بينهم

النوري : ليه خويتها ماتبينها وتعلمها بسوالف محيميد

الجازي : بس هي تدري انها متعلقه فيه حيل
ليه تسوي كذاا مو خايفه يصير فيها شي البنت

النوري :ماهوب صاير الا كل خير مهوله انتي

الجازي : انا اصلا منيره مادانيهاا من قبل ذالسالفه
كل ماتحاكت قالت انا منظوله انا يمكني مسحوووره

النوري :الله يستر علينا وعلى خلقه

[here Lucky boy]

^
^
^

أجواء سنه اولى حب انترنتي

[here Lucky boy]

يقول برنادشو :

ان الرجل العاقل يتكيف مع العالم ، اماالرجل الغير عاقل يحاول تكييف العالم معه..فتقدم المجتمعات اذا" يعتمد على الرجل الغير عاقل"

بالامس وصفت هنا بأبشع العبارات لعدم تكيَفك مع عالمك

واليووم أصبحت اقرب من إيلي كوهين عند ابو 17 لغه