السلام عليكم ورحمة الله وبركاته وكل عام وانتم بخير وتقبل الله طاعتكم
هذي القصه يرويها احد الاخوه يقول كنت في زيارة لصاحب لي حصل له حادث مروري وتنوم في المستشفى يقول ذهبت الى صاحبي وسلمت عليه وكان منوم ماله يوم ورجوله مجبسه وحالته حاله فقعدت اسولف عليه واطيب خاطره وان هذا قدر وتخفيف ذنوب وكان معه في نفس الغرفه شاب متكسر اعبر من صاحبي ولاحظت ان كل من زاره يضحك بشكل هستيري والكل كان يضحك فاستغربت منه وسالت صاحبي شفيه هذا كل من زاره يضحك قال والله علمي علمك حتى انا منزعج من ذا المهبل اللي يضحون على واحد متكسر يقول فلما انتهت الزياره وبداء الزوار بالذهاب جيت وسلمت على هذا الشاب وقلت له سلامات وماتشوف شر قال الله يسلمك والحمد لله على كل حال قلت ياخوي انا ملاحظ كل من زارك يطلع من عندك فاطس ضحك وش السالفه قال ياخي السالفه عجيبه غريبه انا كنت نايم في غرفتي في الدور الثاني في امان الله وانا نايم حلمت اني في موقف باصات وناس واقفه سرى وواحد ينادي على الاسامي وكل من نادى على اسمه يدخل الباص فرحان ومستانس الى ان جاء اسمي فلان بن فلان جيت قلت خير ياخوي حنا وين رايحين قال هذا باص الجنه وانت من اهل الجنه يقول فرحت فرح عظيم وركبت الباص وانا بتشقق من الفرح ومشى الباص في طريق صحراوي وحنا في الطريق كنت راكب بجنب الشباك ابي اشوف الجنه والطريق الى الجنه وفرحان شوي الا اشوف لوحه مكتوب عليها جهنم 10 كيلو قلت في نفسي الظاهر السواق مضيع او انا من الفرحه ملخبط شوي الا جهنم 5 كيلو وانا امسك اللي بجنبي ياخوي هذا الباص وين رايح قال رايح لجهنم ليش انت ماتدري يقول فصحت باعلى صوتي ياعالم انا اسمي مع اهل الباص اللي رايح للجنه وشلون اروح معكم لجهنم يقول الا الركاب ثاروا على وقال واحد منهم شكله سربوت ملعون والدين اقول لايكثر من زين العمل تبغى تروح الجنه ترى كلنا في الهوى سواء تلايط وخلك رجال يقول وانا اقوم من الخرشه والخوف وافتح شباك الباص واطمر منه وما قمت الا وانا في المستشفى اثرني من الروعه فتحت دريشه الغرفه وطمرت في الحوش وانا عادني احلم وقاموا اخواني وجابوني هنا وهذي سالفتي يقول صاحبنا فخرجت من عنده وانا اعبر من ربعه اللي زاروه وامسح دموعي من الضحك هههههههههههه
انتبهوا لحد ينام حول دريشه ولا فوق السطوح وقد اعذر من انذر هههههههههههههههه
28-11-2009, 05:46 PM
قصة الشاب المنوم بقسم العظام قصه للعظه والعبره
العرض العادي
