بين الأمير عبدالله العلي الرشيد وزوجتة الجوهرة بنت تركي آل سعود ...!!!

[الجنازه]

الأمير عبدالله بن علي الرشيد .. رحمه الله
هو مؤسس الحكم لعائلة ال رشيد ..

عندما قام الامير عبدالله العلي الرشيد
بتنفيذ طلب صديقه الامام فيصل بن تركي ال سعود ..
بقتل مشاري بن سعود آل سعود وعبده ( حمزه ) .

تنفس الصعداء الامام فيصل بن تركي ال سعود
حيث استعاد حكم الرياض من جديد .

وبعد ذلك تزوّج الامير عبدالله الرشيد من إخت صديقة الامام فيصل بن تركي آل سعود .
فذهب ابن رشيد الى حائل لإنجاز بعض المهام .

فقالت الاميرة الجوهره بنت تركي ال سعود هذه الأبيات الرائعه
عن زوجها الامير عبدالله بن علي الرشيد :


حر ٍ شلع من دار قصر بـن دواس
يم الجبل فـرّق فـروخ الحبـاري

متقلدين في شذرة السيف عبـاس
اللي ذبح حمـزه(1) وعمـه مشـاري(2)

في مجلسه تلقى كثير مـن النـاس
يضرب بسيف ٍ ماضي ٍ ما يـداري

تلقى العرب عنده على الزبر جلاَّس
يدرون رايه عقب ماهـو يـداري

(1) حمزه / هو الحارس الشخصي لـ مشاري بن سعود ، الذي قتله إبن رشيد .
(2) مشاري / هو مشاري بن سعود الذي قتله الامير عبدالله الرشيد ،

وعندما سمع الامير عبدالله هذه الابيات
أجاب زوجته الجوهرة وهو يخاطب أخاه الأمير عبيد :

مل عين ٍ كل مـا أقبـل طربهـا
يطري لها خـل ٍ بـوادي حنيفـة

الجادل اللي كـن زمـة حجبهـا
زمة قطاة كروش(1) عقب النكيفة

تركتها يا عبيـد عسـر ٍ طلبهـا
وفارقتها فرقى الوليف .. لوليفـه

( 1 ) كروش / هي فرس الامير عبيد بن رشيد .
.
.
رحمهم الله جميعاً

[برقع صقرين]

شكرآ أخوي عالموضوع الرآئـع

[تركي بن خالد]

أبيات روعه في شخصيه معروفه ويستاهل

زيادة ايضاحات

اللي تسور على الأمير مشاري هم (اثنين) من اشجع العرب الأمير عبدالله الرشيد و الفارس المعروف بداح الحبيشي العجمي

وحمزه المذكور .. هو الذي يضرب به المثل ( فرد حمزه ثاير ثاير ) .. عندما قتل الإمام تركي وقد حاول مشاري ثنيه بعد أن ندم ولكن فرد حمزه ثار!

وشكرا

[جـْوُزيٌفُ الْعجٌميٍ]

لا هنت يا الجنازه على نقل الأبيات ..

تقبل مروري ..

[محمد بن فراس]

السلام عليكم ورحمة الله وبركاته

الله لايهينك يالجنازه على نقل القصه والقصيده الاروع

[عاشق الطيب]

الله يرحمهم جميع والله لايهينك ونعم والله فيهم كلهم

ولاهنت على ايراد القصة ,,,