##~~~&& أكتب اجمل ما قرأت في الغزل ... للقلوب الخضراء &&~~~##

[الظبيه العنزي]

يمر يوم وكل يـوم يمـر أحـس أنـي حزيـن
أمسي على ضيقة صدر وأصبح على ضيقة صدر

قالوا الفرج عقب الصبر قلت الصبر هـمٍ دفيـن
قالوا الوفي طبعه وفي قلت الزمـن كلـه غـدر

قالوا الصدف قلت الصدف ماعشمت طول السنين
قالوا القدر قلت القدر من اللي يـردك يـا قـدر

قالوا الامل قلت الامل مثل السراب اللـي يبيـن
قلت للعهد وانا على المطـلاع وسـط المنحـدر

قالوا تشوفه قلت اشوفـه فـي حلـوم النايميـن
اصحى على شوفه وانا خدران واصحى واخـدر

قالـوا وش اللـي تذكـره اذا تناولـك الحنيـن
قلـت التنهاتـه اذا طـروه الـدمـع يـحـدر

قالوا يخونـك قلـت انـا ياكرهنـي للخاينيـن
لو خاني ضـاع الوفـا فـي النـاس الا مانـدر

قالوا نسيته قلـت واللـي لحـن المسلـم جبيـن
ماانساه كود الناس تنسى الليل ومطـلاع البـدر

قالوا كم اللي راح من عمره شقى قلـت سنتيـن
عامين وانا اغـرب الخطـوات والقلـب يحـدر

قالوا الكدر ويش الكدر قلت الكدر مثل السجيـن
ان عاش في سجنه كدر واذا طلع عـاش الكـدر

قالوا سواتك وش يسـوي قلـت بيـن الحالتيـن
اما توفى من غبـن والا قضـى عمـره هـدر

[ديقول22]

دنياي من دونك متاهات وشجون
دنيا الكدر والهـم دنيـاي دونـك
أدري بعيش الوقت لا غبت مجنون
وأدري بعد مثلي بتكثـر جنونـك
وأدري أبسهر والعواذل ينامـون
وأدري مثل ( خلك) بتسهر عيونك

[الظبيه العنزي]

اشوف الوقت عيا ماصفى لي
يناكدني وانا عيني شقيه
وعز النفس عندي راس مالي
وحظي ياملا عزومه رديه
اجاملكم وانا مانيب سالي
مشاكل في ضميري داخليه
علينا جارت احكام الليالي
وهدتنا الحزن شكرا عا الهديه
دخيل الله من هم جرى لي
وخطى المخطي يجازى بالخطيه
عذول الناس انا مالك ومالي
ماتدري الزمن وش سوى فيا
ابطلب خالقن بالكون عالي
يسهلها لنا في كل نيه
طويت من الحياه اكثر احبالي
الموت اهون ولا درب دنيه

[ديقول22]

يا اللي عطيتك حياتي وأجمـل أيامـي
وأخذت منك الجفـا والصـد بأنواعـه
أتعبتنـي بالصـدود وزادات آلامــي
و(الحزن) في غيبتك رفرف لي أشراعه
بالله يرضيك ينـزف جرحـي الدامـي
وتشوف حالي بعـد فرقـاك ملتاعـه
ما تدري أنك (غلاي) ومصدر إلهامـي
وأن (المشاعر) تبيك وفيك منصاعـه
تعال يا أغلى (الحبايب) وأنعش أحلامي
تعال وأخذ (الغلا) والسمـع والطاعـه

[الظبيه العنزي]

مثل المطر انت !
تبلل عروقي..
.....تروي ظما شوقي..
..............تحييني لا متّ..!

تشبه كثير.. [ أنت المطر ]
تفرح بك أرواح البشر ,
......ومثل المطر..عَذب وقراح
..........وكثر المطر ..تشفي الجراح
وأولهم جروحي !

ياقلبي يا روحي ]~
هو صحيح أنت المطر..؟!
وإلا المطر | أنت !

[الظبيه العنزي]

ابصرخ !
من يساعدني اشق لصوتي ضلوعي
انا ضلوعي.. لها مية سنه بالسر ... ماباحت !

عشان !
اليانشدوني وين اقضّي عطلة اسبوعي
اقول : اني مخليها لذكرى ... حلوة راحت

[ديقول22]

ملكتي كل أحاسيسي صراحـه قلتهـا مكـذب
أحس أني أنا وأنتي حبايـب حيـل بالفطـره
يضيق الكون في عيني إذا غبتي ولا أستغـرب
لأنك فرحـة أيامـي بدونـك دنيتـي عسـره
وإذا كنتي معاي أنسى جميع الخلق مـا أتعـب
مدامك نبض شرياني.. خفوقي تملكيـن أمـره

[الظبيه العنزي]

ډوووم أگِذب وډقآٺ قڵبي ٺنْآډيه
أگِآبر حٺى بأشوآقي وأعآنْي معآنْآهـ
هذآ حآڵي لآ قرب قڵٺ:لآ مآ أبيه
ولآ بعـًـډ قڵٺ يآويڵ حآڵى عڵى فرقآهـ

[ديقول22]

هذي وداعيه من القلـب والـروح
للي غلاهم غير عن باقـي النـاس

ودعتكم والقلب ضايـق ومجـروح
واقول ياقلبي مـن الهـم لابـاس

مااحب انا التوديع والهجر والنـوح
لاكن ظروف الوقت والوضع حساس

ودعتكم والعطر فـي ورده يفـوح
يزهى لكم دايم من الـراس لـراس

مع السلامـه والعبـارات والبـوح
تعجز تعبر عن غلاكم والاحسـاس

[الظبيه العنزي]

البرد لهفة شوق والليل ساكن
وانا تشفقت اللقاء وأحتريتك

الله عطاني اياك وأصبحت واكن
على الله اني لا بغيتك لقيتك


مؤمن بما يكتب لي الله ولكن
بليت نفسي فيك عشق وبليتك

تغيب وعيوني عليك يتباكنى
لو انك تسقيني الوصل ما ارتويتك


خليت حسرات الزمان يتراكن
بين الرجاء والياس ليتك وليتك

داويت جرح" من قسى الوقت ماكن
والا فتعطيني ربع ما عطيتك


وخليت ناقلت الهروج يتحاكن
ومن كثر ما اجحد أحسبني نسيتك

ما شفت قلبي والعيون يتشاكن
أغير منهم من كثر ما هويتك


سريت لك مشتاق والليل داكن
يستر ظلامه وقفتي عند بيتك

تقول حبك بين الأضلاع راكن
وأقول هذا اللي ذبحني وجيتك


سمعتني محمد يغني (الأماكن)
وأسمعك (واحشني موت) وفديتك