قصيده من اروع القصائد

[شبيب ابن شبنان]

السلام عليكم

صبحكم الله بالخير

اخواني اعضاء وزوار هذا المنتدى هذه اول مشاركه لي معكم وارجو ان تنال على اعجابكم

وعندي طلب بسيط ياليت من ينقل قصيده يعلمنا منهو شاعرها

وانا مانيب شاعر بس اختار لكم القصيد الجزل

وهذي قصيده للشاعر 00 شبيب الشبنان

والظاهر انه عجمي بس مدري منهو من العجمان واللي يعرفه والا سمع فيه ياليت يقولي منهو منه

والقصيده انا قاريها باسم ((الذهيبه))

يقووووووووووووول 000000000

أعتـذر ليـل الغـرام وسولفـن لـي بالنيابـه = مالكات الفكـر والهاجـوس واللـي يحتويبـه
وما سألة الا بنات الفكر عـن صـدق الاجابـه = والاجابه من بنات الفكر .. كم كانت غريبـه..
ادلـج الليـل انكشفلـه سـر تعذيـب الذيابـه = يوم شاف الذيب الاشهب مـا جـداه الا قنيبـه
لرجهن الليـل فـي سكنـاه والمغـرم سرابـه = يقتدي بالنجـم الأعلـى ويتفائـل فـي نصيبـه
جبت مـن راس المعنّـى مـا تغنيـه الربابـه = بس اسلي خاطري واجـر صوتـي والتهيبـه
وقلت يا الحد الجنوبـي ويـش معنـاة الكتابـه = غير حرف(ن) لا كتبته زال الاوضاع الكئيبـه
وقمت اقّلب في زماني وش خطاه ووش صوابه = ما لقيت الا خطاي اني عشقـت ابعـد قريبـه
ياوجودي..ياوجودي. وجد رجل(ن) ما حكابـه = خاف من كلمة هل النمات والـلاش وصحيبـه
او وجود ابـو ثمـان اعـوال واللقمـه هبابـه = ما ينام الليل مـن كثـر الهمـوم ومـن نحيبـه
من فتاة(ن) ترفـض آداب التسـاوي والتشابـه = كبرياء أهل الجمال اللـي لهـم عـزه وهيبـه
قلت مزيونه وهي فعـلا خـذت تـاج الذرابـه = قلت مغروره واقول بخاطري (ياهـي عجيبـه)
هي جروح القلب وهمومه وتشخيـص الطبابـه = هي بلاه . وهي دواه . وهي مناه . وهي مشيبه
لقبلـت كنهـا تـوجـد واعـذابـه واعـذابـه = ولدبـرت كنهـا توصـي يالهبايـب عزريبـه
وان حكت.. تسكت جميع الناس من زين اللبابه = فلسفه.. مدري بحاحة صوت . مدري بس أديبه
وان تمادت (يابري حالي) تمـادي شيـخ لابـه = كنّها تفرض علي السالفـه فـرض الضريبـه
وان تغّلـت حقهـا مـا فـي تغليهـا طلابـه = القمر فـي وجههـا والعـود ياكبـر المصيبـه
وان سألت الفاتنه عن جوهر أسلـوب الاذابـه = سلهمت بالعين في صمـت الاجابـات الرهيبـه
واسألتنـي ويـش معنـاة التحـدي والصلابـه = قلت يوم ارفض كلام النـاس وأمّـار الكتيبـه
واسألتني ليش ترفض يـا بعـد كـل القرابـه = قلت أخاف ايقال ( مات وما بعد شاف الذهيبـه)
وانتخت في كل عرق(ن) في الحشا كان الرجابه = وادمرت كل العروق ولا بقـا عـرق انتخيبـه
قلت يا الحد الجنوبي شاعـرك ضيـع شبابـه = مثل ما ضاعت طموح (كليب) من شلفا نسيبـه
جعل دار أهل الجنوب يسيل من وبل السحابـه = يوم صارت من هله ولا وربّـي ويـش ابيبـه

وسلامتكم

واسمحولي على القصور

[الشامرى]

كريم سبلا ،،،،،
اختيار موفق وقصيده رائعه
تدل على ذائقه رفيعه
كل الشكر على هذه المشاركه وبانتظار المزيد
تقبل تحياتى ،،،،،،،،

[الجـــــــــادل]

اخوي شبيب عجمي والعااالم الله انه معيضي بس مدري منهو منه بس انا متاكدة انه عجمي

[بعيد الهقاوي]

ارررررررررررررررررررررررررررحب

ياعزتي له

من فتاة(ن) ترفـض آداب التسـاوي والتشابـه
كبرياء أهل الجمال اللـي لهـم عـزه وهيبـه
قلت مزيونه وهي فعـلا خـذت تـاج الذرابـه
قلت مغروره واقول بخاطري (ياهـي عجيبـه)
هي جروح القلب وهمومه وتشخيـص الطبابـه
هي بلاه . وهي دواه . وهي مناه . وهي مشيبه
لقبلـت كنهـا تـوجـد واعـذابـه واعـذابـه
ولدبـرت كنهـا توصـي يالهبايـب عزريبـه
وان حكت.. تسكت جميع الناس من زين اللبابه
فلسفه.. مدري بحاحة صوت . مدري بس أديبه
وان تمادت (يابري حالي) تمـادي شيـخ لابـه
كنّها تفرض علي السالفـه فـرض الضريبـه
وان تغّلـت حقهـا مـا فـي تغليهـا طلابـه
القمر فـي وجههـا والعـود ياكبـر المصيبـه
وان سألت الفاتنه عن جوهر أسلـوب الاذابـه
سلهمت بالعين في صمـت الاجابـات الرهيبـه
واسألتنـي ويـش معنـاة التحـدي والصلابـه
قلت يوم ارفض كلام النـاس وأمّـار الكتيبـه
واسألتني ليش ترفض يـا بعـد كـل القرابـه
قلت أخاف ايقال ( مات وما بعد شاف الذهيبـه)

اااااااااااااااااااااااااااااه

الله لايهينك على الاختيار الموفق بقوة
وصح السانك والسان قايلها

اخيك : بعيد الهقاوي

[شبيب ابن شبنان]

الشامري

مرحبا والله ومسهلاا

ولا هنت على الرد

[شبيب ابن شبنان]

الجادل

مرحبا ومسهلا

والله لا يهينش على تصفحك القصيده

بس شبيب انا ادري انه عجمي وانتي قلتي انه معيضي بش منهو منه من السبع فخوذ اللي هم ال معيض

والله لا يهينش على المعلومه

[الخويطري]

صح الله لسانك ياكريم السبلا , ولسان ابن شبنان


ولأهنــــت على القصيده الطيبه , وسـلـــمت يمناااك على الرائعه


وطال عمرك الشاعر : شبيب الشبنان هو معيضي من ال صالح ومن شعراءهم الشباب والطيبين .


تقبل تحياتي


الخويطري

[عزوف]

قصيده رائعه واختيار موفق يا كريم سبلا

واحلى ما في القصيده بعض المفردات الخاصه بالعجمان بصراحه فظيعه


يعطيك العافيه ونريد منك المزيد والمزيد

[شبيب ابن شبنان]

بعيد الهقاوي

مرحبا ومسهلا

وصح بدنك

ولاهنت على تصفحك للقصيده

[شبيب ابن شبنان]

الخويطري

مرحبا ومسهلا

والله لا يهينك على المعلومه

وصح بدنك