لــــ / ناصر الفراعنة "" ياوقتنا إللي صار فية الذنب راس""

[جناب الود]

ياوقتنا اللي صار فيه الذنب iiراس =مواخر الأذناب تسجد لها iiروس

البوم ياطى في بطن كل iiقرناس= والذيب عدنه عن الجمة iiتيوس

ياوقت ياثالم شبا كل عباس= ياخالقٍ روس الأسنة من iiالخوص

خليتنا فرعٍ وخليتهم iiساس =خليتهم ركبٍ وحنا لهم iiعوص

ناسٍ ترمم عظمها من لحم iiناس= وكوسٍ تصافق خمرها من ورى iiكوس

ياوقت أباري لك على قب iiالأفراس= لاشك ماتشفق على قلب iiفاعوس

وأنا الذي مابين مجهم ومغلاس= مابين أرضٍ وأرض هايم iiوناطوس

لاقاضمٍ حبه ولاشاربٍ iiكاس =ولانيب من عفريتة الجن ممسوس

لاشك همٍ يودع الراس iiيحتاس= كنه يبرشم ناظر العين iiدانوس

مبطي لاجاء الطيب نتنومس iiتنوماس= واليوم لاجانا تقل قاطعٍ iiروس

وكل السبب وضحاً على عنقها فاس =والسر لاواضح ولاهوب iiمدسوس

ماننشد الوجه المعفن ليا iiخاس =ونشره على الطيب إلى صار iiداسوس

ياحيف يالباسة الجوخ iiوالطاس= شرابكم من علقم الذل iiمحيوس

ومن رام له مجدٍ على ربط iiالأسياس= والله ان يمر القبر صيرٍ iiومغموس

المجد مايصلح على الرخم iiالأنجاس= الا على غمرٍ ينوس الخطر iiنوس

وماكل من يدلج على اليم غطاس= ولاكل من ركب على الخيل iiسنعوس

والله يالولا إختلافٍ iiبالأجناس= ماعاد نفرق بين فارس iiومفروس

وياللي حقرت النفس والمكسب iiطفاس =لعن الله آبو محجر النفس iiبطفوس

ومن رضي لأجل القرش عيشته iiمنخاس= يناك عرضه لو يبوس القدم بوس

سواة ناسٍٍ بالشرف مالها iiأمراس =تسحب مشالحها على غير iiناموس

والله يالعيشة منظف iiوكناس= آخير بالعيشة بها الذل iiمتروس

وياغرفةٍ فالسطح فيران iiوبساس= ولاقصرٍ أساسه مدوخل iiومنخوس

وسهري على سطحٍ من الشوك محساس= أخير من نومي على القطن iiمدعوس

وياهملجة عيني على الموت iiبنعاس =و لافتحت عيوني على كل دعبوس

ولو هو ضحك لي وسنه أبيض من الماس= قلبه كما حبٍّ رعاه أسود السوس

نذلٍ لو آسودس له الطيب سوداس= مايذكره لو بين أذانيه iiناقوس

ف ياللي تمردس طيبها فيه iiمرداس= ماتطلع الصبخة ثمر كل iiمغروس

أكبر شبه للي بها صار iiغراس= خبلٍ يشد السرج من فوق جاموس

فيالله يالمعبود ياجالي الباس= إفرج لمنهو تالي الوقت iiمدعوس

عقب المعزة تحت الأقدام iiينداس= كنه عن العالم نقص كف iiوضروس

إن قلت أببعد وش عليَّه من الناس= تحرشوا بي لو ورى حد iiغرطوس

وإن قلت أبقرب مثل عنتر iiوجساس= مامعي مايفتكني لو طرف iiموس

إرجع ياسيفي خلاف وإطلع iiياقرطاس= هذا زمانٍ للقراطيس iiمدروس

أقفى زمان إخوان شامه وعرواس= وأقبل زمان إخوان سوسن iiوفردوس

راحوا عيال المشمشه iiوالأناناس= بالرزق والا إنَّا نقوس الفقر iiقوس

فياراكبٍ من نقوة الهجن iiعرماس= من دار سلطان السواحيل قابوس

ماكنه إلا الزين مدقوق iiالألعاس= يبرى لها ذيلٍ تقل ريش iiطاووس

أم العيون اللي تقل لون iiمدباس= حمرٍ تخاتل كنها عين iiجاسوس

والخشم منحول الرواقين iiمدماس= كنه ليا رد النسم حامي iiجموس

والإذن لاقامت تمهلس iiتمهلاس= بيرق عقيد ومقدم الخيل iiكردوس

قصيرة الواحد ولاهيب iiمعباس= طويلة الإثنين ذيلٍ ونسنوس

تلقى مواطي خفها فوق الأطعاس= تشبه لسمراً علمت فوقها الفوس

وخفٍّ ليا قام يتطعمس iiتطعماس= كنه بمرهوفٍ من الشلف iiمحسوس

ووركٍ تحذف به تقل ورك iiإيناس= لاسمع اله قبلٍ غدى تقل iiمنكوس

والبطن مهيافٍ تقل مابه iiأرماس =والظهر صلبٍ منحني كنه iiالقوس

والجلد من لكز العراقيب iiحساس= ومن وشة العصفور فالجو iiمحسوس

خطرٍ لو إنه هبها ريح iiنسناس =تدفي كما تدفي من الظله iiشموس

إليا نست عرقوب ركابها أوناس= راغت تقل غافي سمع حس iiنادوس

تكرم عن اللي زينوها iiبالأطياس= ولادوروا في هلال iiوتروس

اليا اسهلت يازين هاك iiالتمرياس =كنها على ثلجٍ وفي خفها لبوس

واليا أوعرت عبدٍ سمع حس iiمرواس= قام يتخشع مومي الراس iiمنكوس

تلفي على لباسة الحمر iiالأدقاس =شمر هل العادات ريس ومريوس

ياماثنوا عن نايد الدار iiنكاس =وياماحدوا من صفوة القوم ناكوس

منصى حلو في مجلسه طرب iiالإحساس= ماهوب قفرٍ مدبر القاع iiميبوس

وانصى لنا برجس على كور iiمقواس= راعي الشداد اللي للأجناب مركوس

أشكي لهم وقتٍ على شذب الأضراس =فصَّل عليَّه دبرة الشين iiملبوس

وأنا اللذي ماشاقني درب الأدناس =وأشوم عن طعمة عسل كل iiنخسوس

كم دايسٍ ماداس شيٍ إلا iiداس =وغيره يدوس ولو ماوده iiيدوس

مالوم أهل جوخٍ تمدوس تمدواس= كلٍ حفر له تالي الوقت iiدهلوس

ومن لايحط لمقضب الباب iiترباس =يصبر على ماجاه حيه iiولسلوس

للجب حفارٍ وللحب iiمهراس= ومن شد عقب شوي تلقاه iiمهروس

واحالي اللي ماعثت فيه iiالأرماس =ياكود مما شاف حاضر iiوراموس

ماأقول كن قلبي على الضو محماس =متعدي قولت على الضو iiمحموس

كني ليا حل أسود الليل iiعساس =بين أنجمٍ بيضٍ تخافق تقل iiطوس

أهيم فالدنيا وأنا مفلس إفلاس =من عالية حايل إلى نازل سدوس

وترى الفضا لو هو وسيعٍ ومشواس= أضيق على الملتاع من خرم دبوس

ملتاع مالوعه أبو عود iiمياس= ملتاع من جور الليالي ومطسوس

ماعاد يطربني مع القوم iiمجلاس =ولاعاد يقضبني عن الهمله iiجلوس

لو صابني ماصاب ابودباس iiبدباس= مابت ليلٍ ساهر الطرف iiمنحوس

روابعٍ فالقلب جندٍ iiوحراس =توقد بقلبي قاد نارٍ iiبفانوس

وكشف الروابع قبل توليع iiالأكباس= راعيه لاشب أشهب الصبح iiمكبوس

ياقوم ياقولة شجيعٍ iiوعنطاس= ياماغدى في جمة البير iiعنطوس

عشرين أقيسها على كل iiمقياس =من بعد عشرينٍ على العمر كابوس

ماخذت تعليم الليالي iiبكراس= أخذت من سود الدهر جملة iiدروس

كيف الوفاء شان الوهد ماله أمساس= وكيف المراجل تشترى اليوم iiبفلوس

من كثر ماشفت الوزا قطع iiأنفاس= أصبحت بايح سد والمخ iiملحوس

صبيت لي في مضرب العاج iiبقياس= ذن أشقحٍ بالضارب الصلب منسوس

أبيه يجلي لي عن الخاطر إعماس= لاشك من مرٍ على مر مكبوس

أغضيت عيني ساعةٍ وأرجس iiإرجاس= قلبٍ ورى حدب المعاليق iiمرجوس

في خايعٍ صبحه تخرمس iiتخرماس= وليله كما حم الغرابيب iiخرموس

ياوي حلم أضرب له أخماس iiبأسداس= أقلبه مثلوثٍ وألاقيه iiمسدوس

فزيت مثل اللي لمس سلك من iiماس= به كهرباء من ضغط عالي iiومحسوس

فزيت واللي فزني فز iiهوجاس= وعزي لمن رده عن النوم iiهاجوس

وكل السبب زولٍ لفاني بلا iiراس= شفته ومن خلفه رجالٍ بلا iiروس

يحمل معاه كتيِّبٍ تقل iiنبراس= أوله واضح مير تاليه مطموس

في عينه اليمنى رجاً يشبه iiالياس= وفي عينه اليسرى للأحزان iiقاموس

يلحس ذراعه بأسفل الريع لحاس= ويمسح حذاه بعالي الريع iiدنفوس

له ملةٍ تجهل نبي الله iiالياس= الصبح مسلم وآخر الليل iiهندوس

وعجزت أفسر غامض الحلم iiياناس =تصغر له نفوسٍ وتكبر له iiنفوس

اسمحوا لي ع القصور : تحياتي جناب الود

[سعودابوثنين]

صح لسان ابوفارس

ومشكور اخوي جناب الود

وتسلم يمناكــ

[على دروب الغانمين]

لاهنت طال عمرك على الاختيار والنقل الطيب
قصيده جزله ووافيه وصح لسان الشاعر المبدع ابوفارس

[وطـبـان]

جميـــل مانقلـــت

وصح لسان شاعرها

وصح أختيارك

تقبل مروري ,,,

[جناب الود]

المشاركة الأصلية كتبت بواسطة سعودابوثنين

صح لسان ابوفارس

ومشكور اخوي جناب الود

وتسلم يمناكــ

حياك اللة اخوي ابو ثنين


شكراً على مرورك

[دلــة الرســلان]

والله يـالـعـيـشـة مــنــظــف iiوكـــنـــاس
آخـيـر بالعيـشـة بـهــا الـــذل iiمـتــروس

وياغـرفـةٍ فالـسـطـح فـيــران iiوبـســاس
ولاقـصـرٍ أسـاسـه مـدوخـل iiومـنـخـوس


صـــح لســـان ابوفــارس


ولاهنـــت ع الأختيــار والنقـــل
مشكوووووووور وتســـلم يدينـــك


تحيــاتي ....

[بنت الزعبي ..]

وعجزت أفسر غامض الحلـم iiيانـاس



تصغر له نفـوسٍ وتكبـر لـه iiنفـوس



لا هنت ع القصيدة العذبه

وصح لسان كاتبها وناقلها


تقبل حضورى المتواضع

[جناب الود]

لليمين رد




لاهنت