من اكذب الحكام والا الصحافه=ماتقدر اتجاوب لابالله معذور
اما انا مافيه شي اخافه= ان عشت من حقي ويلا مت مجبور
اول مرض يثر عليك الحسافه=واخر مرض يقدر يعالجه دكتور
اذا قنعت اقنع لكن بكثافه=قناعة المستشهد بجنة الحور
بتحس بالراحه اذا كنت تافه= وبتحس بالراحه اذا كنت مجبور
الشيعه ترشح علي للخلافه=والسنه تقول ان الخلافه من الشور
وانا اشوف ان الحقيقه خرافه= المجتمع نفسه على نفسه يثور
قصر الامير اللي وقفت بضفافه=غصنه خضر لكن من دون عصفور
ياريئس الحراس ليه الكلافه= تراك مثل الناس منهي ومامور
لولاي ماتدخل بقصر الضيافه= اشلون ترضى لي اوقف ورى السور
ياقلب ريح نفسك من الثقافه=تبي تكون ثروه بخمسة اشهور
في الشرق الاوسط صير عامل نظافه= ترى الوساخه عندهم لاعبه دور
27-10-2008, 01:39 AM
العرض العادي
