عـــ هـــ و د

[ر1كان الناجعي]

( عـــــهـــــــــود )


تسعيـن هـم ولا بقـى غـيـره هـمـوم
.......... وتسعين حلم ولا بقى غيره أحلام


امـا نصيـر القـوم مـن بــدّة الـقـوم
.......... وإلا نظل عظام من باقي عظـام



حنـا خلقنـا عـز لـو نلـبـس هــدوم
.......... ما ظامنا حكم القـدر والجفـا دام



كـم يـوم ضايـع يلحقـه ضايـع الـيـوم
.......... العمر يركض والزمن ماله لجـام



ياهيـة ياللـي معترضنـا عـلـى الــدوم
.......... يا زارعٍ بدروبنـا كـل الألغـام



لا تحسبـنـا بصمـتـنـا ذل ورخـــوم
.......... حنا نفك حزام يربط لنـا حـزام



من عهـد كسـرى ليـن لحظاتنـا اليـوم
.......... كفّار نزعل بالرضا سلم الاسـلام



الله وكيلـك لا وصلَـت حــد الخـشـوم
..........قمنا انتسابق لاسود الموت باجزام



انشد عـن اللـي خافـر الصقـر والبـوم
.......... وانشد عن اللي دام عزّه ولا دام



والا انشـد وجـنّ السيـوف ولهـا علـوم
...........اتعلّمك من هابته نجـد والشـام



راعي غنـم لـو شفتـه انسـان مضيـوم
.......... يبقى عزيز وراس ماله على العام



ادري بصـدره كـل ضلـعٍ بـه سـهـوم
.......... وأدري بعينه تبكـي الهـم قـدّام



يـا شيـخ أنـا مثلـك حزيـنٍ ومهـمـوم
.......... الحلم واحد واللقـا كلّـه حطـام



مالـك يميـن إن كنـت ظايـق ومـلـزوم
.......... أنا بعد يا شيخ ملزمنـي الـزام



البارحـة مــا بـيـن لايــم وملـيـوم
.......... تعبت أعد أوهام وتعدني أوهـام



لجفنـي أقـص حكايـة اللـيـل والـنـوم
.......... وثاع النعاس بموق عيني ولا نام



عشريـن مـرّه قلـت أبـا اطيـح وآقـوم
.......... مالي بأرضي وجه أو بصمة ابهام



باقـي بوجهـي كـم وجــهٍ ومـوسـوم
.......... وحكايةٍ جفت بهـا كـل الأقـلام



وذنـبٍ بصـدري متعبـه كثـرة الـحـوم
.......... وأبرر لنفسي وأنا أقول ما أنـلام



وأنـا بلايـه عشـق ( عهود ) مكتوم
.......... بنتٍ تغز أعلام وتوطّـي أعـلام



أيـه أعشقـك خلّـي هـل اللـوم لـلـوم
.......... دام بعروقي نبض وبصدري هيام



لا تسألينـي عـن بطـا البعـد .. مفهـوم
.......... اني رحلت وتاركٍ وضع الأقـدام



وش يزعلـك لا صـرت بايـع ومـهـزوم
.......... فلّي جناحي واتركي سود الأعوام



(عـهـــــــود ) وبُعـدك بُعـد ووعـــــــودك حلـوم
.......... حنا هلك وبديرتـك كننـا أيتـام



واللي غـرز بـك نـاب غـادر ومسمـوم
......... ما علّمك بفطامنا ما هو فطام ؟؟؟؟؟



يـا بنـت غنّـي لحـن الأيتـام بالصـوم
.......... وهلال عيدٍ طاح من أول صيـام



إن كـان فينـا عـوم نستلـحـق الـعـوم
.......... وإلا نموت وكل حيٍ لـه عظـام


ر1كــــــــان

[الرازي]

صح الساااااانك مليووووووون


راكاااااااااااااااااااااان الناجعي


قصيدة جزل من شاعر مبدع

تحياااااااااااااااااااااااااااتي
ابوووووووووووووو عيد

[ابوتركى]

صح السانك على القصيده الجميله

[كويتيه]

صح لسانك يا راكان.. بس اعذرني هذي قصيد ه .. وبتنقل لللشعر العام..

[cool]

السلاااام عليكم ورحمة الله وبركاااته

لا تحسـبـنـا بصمـتـنـا ذل ورخـــوم
.......... حنا نفك حزام يربـط لنـا حـزام

مـن عهـد كسـرى ليـن لحظاتنـا اليـوم
.......... كفّار نزعل بالرضا سلـم الاسـلام

صح لسااانك صح لسااانك صح لسااانك مليوووون يا راااكاان كتبت وابدعت

ووصفت وفاااق الووصف مااشااء الله عليك .

تسلم ولا هنت الغااالي .

كـووول

[السنـــــافية]

(عهـود ) وبُعـدك بُعـد ووعـودك حلـوم
.......... حنا هلك وبديرتـك كننـا أيتـام



واللـي غـرز بـك نـاب غـادر ومسمـوم
......... ما علّمك بفطامنا ما هو فطام ؟؟؟؟؟

صــــــــــح لســـــــــــــــانك ولاهنت

[الجويّر]

صح لسانك ياراكان الناجعي




قصيده جزله من راس جزل




وبانتظار جديدك انشالله





تحياتي / الجويّر

[فزاع]

اخوي راكان هنا نوقف احترام لهذي القصيده الجزله وبيض الله وجهك عليها ولاهنت يالغالي

[سند]

ر1كان الناجعي

صح الله ألسانك

ولاهنت ياطيب

تقبل تحياتي,,,

[فلاح بن ملبز]

ر1كان الناجعي

صح لسانك مليون مره

ولاهنت على ذا الجزله