السلآم عليـكم
جــمّـع اللي ودك تقــوله وبعثرني عتـــب
المـلامـــه شي عادي دامها منـــك وجـــاي ..
انت تامر وانا البي ما [تبي بليّا سبب]
بس كان لجيتي خاطر تلبي لي رجـــاي..
رجوتي لاتلحق اعيونك مشاريه الهدب!!
لا تضايقه بدموعك..والتفاتتك..وخطاااى؟!!
كل شي الا دموعك واعرف انك من شطب
صفحه الطيش بحياتي وابتدى صفحه شقاي..
سق فديتك.. كل ما تملك من جنون وغضب
وابشر بصدر(ن) يضمك حيييل دامنك هواي..
ولارويت عتاب؟ ناظرني وقل ( طاح الحطب)
واسئل شرايك؟؟ وابنسجلك من الاعماق رااي !!
باتناثرلك رضا واحساس صادق ماكذب
وانت رتبني على كيفك وشكلني برضاي!!
وان تلعثم بي حضورك.. ثم نطقني لك تعب
حاول انك تسمع اشواقي وسط (( تنهيد ناي))
اسمع دموعه وقربلي وقرب واقترب
واسئل عيوني عن طيوفك؟ وقصتها معاي..
كيف كانت في غيابك فجأه تطري واغترب
اركض لمنفى خيالي وارمي الواقع وراي!!
اوجدك مابيني وبيني واسولفلك واشــب
ليله حضورك قصايد[ تشتكيلك من عناي]..
آآآه لا منه بزغ فجر الحقيقه وانسحــب
طيفك اللي ساكن عيوني وضاقت بي سماي؟!
وقتها ليتك تحس شعور من (حظه ضرب
اخر اماله بعرض الهم ) والوحده مـــداي..
اكتشف وشلون يموت الصوت برماح الطرب؟؟
لحظة(ن) جيت اتغنابك وعاندي غناي!!
واكتشف كيف السهل فجاه يتحول لي صعب؟؟
لا نويت ابكيك ثم ازريت القابي بكاي!!
(اقسم بربي وربك ) فيني احساس(ن) غصب
كل كلي في غيــاابك ينجذب لك يا هنـــاي..
مانسيتك لو نسى التاريخ امجاد العرب
وماتركتك الا بين ضلوع صدري وبحشاي
لانك اكبر من غلا الشاعر لاخر ما كتب
ولانك اقرب لي من سكوتي اذا عانق شفاي
ولانك اول من تمكن بي وعلمنــي احـــب
ولانك الشخص الوحيد اللي يجي في مستواي ..
صاحبي جمّع كلامك ثم بعثــرني عتــــب
والله ان كل شي عادي لا غدى منك وجاي
~مما راق لي~
و أتمنى أن تروق لكم..
03-10-2008, 12:38 PM
العرض العادي
