هذي سالفتي يوم كنت مجرم بالصدفه ...
في ليلة من الليالي صحيت من النوم حوالي الساعه 3 بالليل وكان الجو خنفشاري وكانت الطيور تغرد ( تغرد الطيور بالليل يانصاب !!!؟؟) وكانت الشمس صافيه ليس مافيها غيوم <<< هذي لغة عربية الحين ؟؟؟ وكان جسمي تعبان من كثر النوم ....فكرت اني اهرول في الحاره ( امارس رياضة الجري ) ... المهم قمت ولبست الشورت الابيض والمنقط بالاحمر ( هذا مو شورت هذا خد لبناني فيه حب شباب ) ...والبس الفنيله العلاقي ( طبعاً مالبسها الا في المناسبات العامه ) ... صرت تقل هندي يبي يغسل سيارة كفيله... وفيه شي لبسته نسيت اقولكم وش هو ... لبست الزنوبه الملكيه ... المهم طلعت من البيت ..ولقيت جارنا ( ناصر) قلت وش اللي مصحيك تالي الليل ؟؟ لايكون تشتغل في مقصف مدرسه ابتدائية وتجهز سندوتشات البيض لطلبه ؟؟؟ قال اترك عنك الخرابيط انت ولبسك اللي يشوفك يقول عندك مباراة سله مع فريق شيكاغو (( هو صادق ..فنيله علاقي وشورت ابيض منقط بأحمر)) ..
قال ابي منك خدمه وياليت ماتردني ؟؟ قلت اكيد تبيني اقطع معك الصمون؟؟؟ قال انا عندي ضيف ولازم اذبح له خروف .. والخروف عندي ... لكن ابيك تساعدني على ذبح الذبيحه ؟؟؟ المهم خلصنا من الذبيحه ...وطلعت من عنده ووقفت عند الباب افكر اروح اغير ملابس وارجع اكمل هروله ولا اهرول وملابسي عليها دم من الذبيحه... من طبعي العجز ..المهم كملت هروله ... وانا اهرول الا وذاك الرجال طالع من بيت يركض بسرعه ... قلت يمكن يبي يتحداني بالركض !!! ( والله من الدلاخه في راسك ) المهم هو يدعس وانا ادعس هو يركض وانا اركض ... الين وصل بيت ووقف عند الباب يدقه بسرعه .. وانا اوقف واقوله ياخواف يا جبان ليش ماتكمل السباق ؟؟؟!!! ولا خايف افوز عليك ؟؟؟ المهم واصلت ركضي ومادريت الا والدوريه ... وينزلون العسكر ويركضون وراي قلت حتى العسكر يتحدون ... زدت ركضي وهم يركضون وحسيت بالحماس وقلت في نفسي اكيد ابي القى جمهور عند خط النهايه !!!!!!! <<<مصدق انه في سباق..
.. المهم سمعت صوت رمي قريب من عند اذني .. قلت هذا يبون يعلمون اني قربت من خط النهايه ... وانا ازيد السرعه وشوي الا والرمي زاد واحس انه قريب من رجلين ... المهم زعلت ووقفت وقلت مو علشانكم عسكر ترموني علشان ماافوز في السباق !!!! خل عندكم روح رياضيّه ... وشوي الا والرفسه في البطن والشوته على الظهر والكلبشه في اليدين ... ركبوني الدورية وعلى طول لقسم الشرطة ... ودخلوني على الضابط ...
جا الضابط يحقق معي ويقول.. ليش ذبحت المجني عليه ؟؟؟ قلت مو علشان فزت على العسكر في السباق تتهمني بقضية قتل ... اجل وشلون لو فزت عليهم في كورة قدم ... وشوي الا والخرّااامه بين عيوني ....قال الضابط انت متهم في قضية قتل وآثار الدم على الشورت حقك !!! ...(( الله لايجزاك خير يا ناصر انت وخروفك وضيفك اللي جاي تالي الليل ))....
المهم قلت لضابط كل القصه وان الدم اللي على الشورت مو دم آدمي انه دم خروف ناصر .. قال الضابط نزل الشورت !!!! (( افااااااا الضابط خربها )) .. قلت عيب عليك مو علشانك ضابط تبيني انزل الشورت حقي .. قام الضابط من الكرسي وقال ياغبي نبي الشورت علشان نوديه التحليل ..وهم يعرفون اذا كان دم خروف ولا دم آدمي..نادا العسكر وقال هاتوا شورت على مقاسه وخلوه ينزل الشورت حقه ... المهم ودوني السجن ... وجلست الى الصبح... ونادوني ..قالوا الضابط يبيك .. المهم رحت لضابط وقال ابيك الحين تدلنا على البيت اللي دخل فيه اللي كان يركض معك البارح .... المهم ركبوني الدوريه ورحنا للحاره وانا اقول في نفسي ياليت عيال الحاره يشوفوني وانا مجرم !!!! ( اقول الله يخلف على اهلك ... اجل فيه احد يتمنى يصير مجرم ؟؟؟).......
المهم دق الضابط الباب وطلع المجرم .. وانا اطلع مع دريشة الدوريه واصيح امسكه لا ينحاش تراه فشقه ماينطرح .. مسكوه وكلبشوه ... وعلى القسم على طول ... المهم اعترف بالقتل ... وابشركم طلعت براءه
وبعدها بطلت رياضه وخرابيط اخر الليل !!!!!!
........................................
مع تحياتي لكم :
خليجي
17-03-2004, 09:11 PM
سالفتي يوم كنت مجرم بالصدفه
العرض العادي
