سجلونى من هواة المستشار = من عقب ماقصر اليوم الطويل
كلمتنى مى والدنيا نهار = دلهتنى لين صار الوقت ليل
قالت الدنيا تجارب واختبار = ناجحن فيها من الناس القليل
بسئلك عن شى صار شلون صار = كذب جيل يصدقه خمسين جيل
قلت هاتى الاسئله يوم استدار = فكرى وعزم على بدع الجزيل
قالت اصعب شى قلت الانتظار = لكن اسهل شى هو المستحيل
قالت اكذب شى قلت الافتخار = لكن اصدق شى تاريخ ودليل
قالت اطيب شى قلت الانتصار = لكن اردى شى دمعات الذليل
قالت اكرم شى قلت الاعتذار = لكن احقر شى نكران الجميل
قالت اذكى شى قلت الاعتبار = لكن اغبى شى تدريس الهبيل
قالت افضل شى قلت الابتكار = لكن اتفه شى تقليد الاصيل
وانا وياها الين الوقت طار = فالكلام الذرب والخلق النبيل
عقب قالت ذكر اجيال الصغار = ان ما عكس الجزيل الا الهزيل
والفضل لله ثم للمستشار = ولا بينى وبينها حول الف ميل
عبدالله بن علوش
13-03-2008, 03:02 AM
العرض العادي
