لا قلت لك خلني تكفا تخليني=النفس ظاقت وتعرف من مضيقها
ماني بحاجة علوومك لو تسليني=بعٌد عن العين واحســن لو تفارقها
لا ظقت انا حتى روحي ماتدانيني=ولا يهدا البال غربها وشرقهــــــا
لو كان غيرك حرام انه يحاكينــي=لو كان كل الدروب البيض يــطرقها
تدري وش الي ذبحني والبلا فيني=بعرف عروق الغلا وشلون تــسرقها
يمكن تكون الخيانه من شراينـــي=ولاحظوظك يجوز الله مـــوفقهـــــا
ما قلت لاحدن سوا امي يابعد عيني=وشلون خليتني لعيونك انطقهاا
ياروح روحي ياقلبي يابساتيني=يابسمه العين ليه العين ترهقها
والله من زود حبك صنت رجليني=ما شفتني يوم اسوق الرجل وافهقها
انا بصفك واضيع وانشدك ويني=وشلون لا رحت جدراني اصفقهـا
ماتدري اني شريتك يوم تشريني=عشان حبك ابيع الخلق واحرقها
ارجوك لاشفتني ضايق تخليني =وليا هدا البال غربها وشرقها
10-03-2008, 12:33 PM
العرض العادي
