تغطية الأمسية الشعرية الثانية لشبكة قبيلة العجمان

[الإدارة]

بسم الله الرحمن الرحيم ..


والصلاة والسلام على رسوول الله ..


بفضل من الله سبحانه .. أقيمت الامسيه الثانيه للشاعرين محمد المجول وفهيد بن عصيدان التي وسبق انّـا اعلنا عنها على هذا الرابط :

http://www.alajman.com/vb/showthread.php?t=56797


وبحمد الله ان نجاحها فاق ماكنا نتوقع وهذا كله بسبب تكاتف الاخوان وتشريف الحظور وإبداع الشعار.
وكما عودناكم وعدناكم اتينا اليوم بـ التغطيه كامله متـمنين ان نكون وفــقنا في نقلهااا .



الاخ جالس بن مبارك يلقي كلمة ترحيبيه بالحضور والشعار وعريف الحفل .


الأعلامي / محمد العايد


ابتدأت الأمسية بكلمة أفتتاحية للأعلامي القدير الأخ محمد العايد قال فيها :

الشعر فن اللغة العربية الأول , وأكثر فنون القول هيمنة فى التاريخ الادبى عند العرب .
وقد حظي الشعر بأهمية كبيرة ومكانة عظيمة عند العرب عامة وعند اللغويين والأدباء والنقاد خاصة وسجل مآثرهم وأيامهم وآمالهم وآلامهم .
عمر بن الخطاب رضي الله عنه قال عن الشعر: الشعر علم قوم لم يكن لهم علم أعلم منة,
ويعد الشعر وثيقة يمكن الاعتماد عليها في التعرف علي أحوال العرب وبيئاتهم وثقافتهم وتاريخهم, ويلخص ذلك قولهم: الشعر ديوان العرب
فالشعر يطرب ويشجي من جهة,ويربي ويهذب ويثبت القيم ,ويدعو إلى الأخلاق الكريمة من جهة أخرى
وتتراوح أغراض الشعر بين مديح وهجاء أعاذنا الله وإياكم منه ورثاء وغزل ووصف واعتذار وتهنئة وتعزية وفخر.

بعد ذلك رحب بالشعار وطلبهم للبدأ في فعاليات الأمسية


وبدايه الامسيه كانت مع الشاعر / فهيد بن عصيدان

البدايه في الفخر بالقبيله :

لكنّ واللّي عباده لـه سجـودٍ ركـوع=إنّي لحفْظ لسِطَر راسي مقـامٍ يليـق
مادمت متسلسل مْن الشجْره أمّ الفروع=اللّي لها ظلٍ يظلّـلْ وغصـنٍ وريـق
إسلالة عجيم عاد الوقت سيفٍ قطوع=دسّوا لهم في ثرا التاريخ عرقٍ عريق
إلهم على خارطة شبه الجزيره وقوع=وتاريخهم لحيته تكرم ووجهه طليـق
إيشوّشون إن قرع طبل الحرابه قروع=لوإنّهـم قلّـه يطيقـون مالايطـيـق
عاداتهم لاستعدّت للسيـوف الـدروع=إيعقّلون الركايـب بالعقـال الوثيـق

ثم قصيده وطنيه منها :

ديموقراطيّـه وحريّـه إبـدون قيـد=في كوكب الارض ماهوكوكب المشتري
في دار إخومريـم إبحكامنـا نستزيـد=فينا المواطن ثري لكان ماهـو ثـري

ثم قصيدة ( يالله عطفك ولطفك ) ومنها :

ياللْه عطْفك ولطفك وتوّ العمر مـاراح=أخاف إنْ يجي يومٍ واجي فيه متـردّي
قبل لايلوح الشّيب أبي الشّيب لامن لاح=على عزّ يكسا وجهي وجاهـي يقـدّي
أبقضب دروب الطيب قبل اسمع الامداح=دامي في شبابي بعمل بيومـي لغـدّي
هل الطّيب فالطّيب إلهم القفل والمفتاح=وبإذن الله إنْ مفتاحـه وقفلـه بيـدّي
ورفيقي معرّب جدّ طبعاً وطيبـه فـاح=وطيبي على حدّه وطيبه علـى حـدّي
ينومس رفيقـه لاتعومـس ولايرتـاح=لين إنّ العماس يروح والضيقه تْعـدّي

وقصيدة ( الخوه ) ومنها :

مادامت الخـوّه إحقـوق ومطاليـب=يبصم عليها أهـل القلـوب النظيفـه
للاخويـا سلْـم وتبـادل مواجـيـب=إمقسمـه مابينـهـم .، بالنصيـفـه
والرجل لاصاحب .؟ ينقي الاصاحيـب=وإيطق من عرف الخبل والهديفـه .!
وإن جازله رجال من عقب تجريب .؟=في (قائمة عرف النشامـا) يضيفـه
والطيب اللي وين ماتدرجه .، طيب .؟=هـذاك منـوة كـل طيـب وكيـفـه
وأنا وريث أهل السيوف المخاضيـب=وأهـل البيـوت المزبنـات المريفـه
قطاعة الفرجه على الفطـر الشيـب=والا على إظهـور المهـار العسيفـه
قضبـت منهـم للمراجـل مقاضيـب=ومنهـم تعلمـت العلـوم الطريـفـه

وقصيدة ( شر البليه ) ومنها :

ضحكت من ضيقي وشر البليّه=مايضحك الرجال لاضاق جـدّا
وأنا لاضقت وضيقتي داخليّه=والهم عشا في ضلوعي وغدّا
بكوسر إلحوني على السامريّه=لولا دوا الدكتور ماعولج الدّا

إلى أن قال :

إذا جهلت الرجل شفْ من خويّه=لاطاب طـاب ولاتـردّا تـردّا

وقصيدة ( الحمد لله ) ومنها :

الحـمـدلله أنـــا مـرتــاح نفـسـيّـاً=ماعـاد يِسْمـع مـن الضيـقـه تنهّـاتـي
مانـيـب ســاري ولاراقــي ومتبـيّـن=علـى خـشـوم المنيـفـات الطويـلاتـي
ماقـام يِعرضْـلـي الهـاجـوس حصـريّـاً=وإيسبّـبْ إكـثـار روحـاتـي وجيّـاتـي
كنسلـت مجـمـل علاقـاتـي رومنسـيّـاً=ولابقـالـي عـلاقـه مــن عـلاقـاتـي
مانـيـب رايــح ولاكـاشـخ ومتـزيّـن=الـزيــن لأم الـجـدايـل والنهـيـداتـي
لِحقْـت شفّـي ورى تـرفـات وإمـزيّـن=وملّيـت تصفيـف حكْـي وسـرد كذباتـي
قعدت أفكّر .، وأقـول أنـا وش إمعيّـن .؟=قلّـلـتْ حسنـاتـي وكـثـرت سـيّـاتـي
فـمدامـه الـدرب هــاذا دربٍ إيشـيّـن=بلْحـق علـى نفسـي وبمسـح ملفّـاتـي
العـرض يأخواننـا .؟ دايــن ومتـديّـن=ومن قرّب أعراض غيره .؟ عرضه إبياتي .!

وقصيدة ( براق الأمزان ) :

إيشوق عيني شوف برّاق الأمزان=وإيفزّ قلبـي كـلّ ماحـنّ راعـد
وإيمرني طيفٍ له إشهور مابـان=وأتخيّله ماشي ., وواقف ., وقاعد
إيمرّني وإيروح مقفـي وعجـلان=وأقـول: تكفـى طالبـك لاتباعـد

وقصيدة ( عقب الإمساك ) ومنها :

تذكّرت يوم أزهمْك وإتجيني مْن أقصـاك=تقول إن تضايق خاطرك .؟ خاطري لُذْ به
وتذكّرت يوم اللّيـل ماغيـر أنـا ويّـاك=آكل من ثمارك وأشرب إمياهـك العذْبـه
يوم إنّك لامن صدّيتني وإبتدت جفواك .؟=أجيك بقصيدي عند قلبك وأشوحـذْ بـه
معاك أنت صدّقت المحبّه ، جعل يفـداك=من إيصدق اللي قال بإن ( الهوى كذْبه )

وقصيدة ( تمرة قدوع ) ومنها :

خلاص ماعاد باقي من غرامـك غـرامولاعاد باقي من شْموع المحبّه شمـوع
وصلتلك بإحتـرام وبتركـك بإحتـرام=مدامي أقفيت لاترجـي وراي الرجـوع
ياصاحبي والكرامـه ترتبـط بالكـرام=عرفت قبْلك وعقبك ماعرفت الخضـوع
الحر ودّه يمـوت ولايعيـش ويضـام=والذيب يَكسب ولايِكسب وقلبه جـزوع
مافاد فيك التشـرّه والعتـبْ والمـلام=يومك تذوّقني التعذيب مـن كـل نـوع
أسرفت في ذبحتي وأنا علـي بالحـرام=لجل المحبه أحدّ السيف وأدحم جموع .!

وهذي قصايد الشاعر فهيد بن عصيدان فيديـو :


http://www.alajman.net/omsyat/2008/3sedan/1.3gp
( الفخر بالقبيله )


http://www.alajman.net/omsyat/2008/3sedan/2.3gp
(وطنيه )


http://www.alajman.net/omsyat/2008/3sedan/3.3gp
( يالله عطفك ولطفك )


http://www.alajman.net/omsyat/2008/3sedan/4.3gp
( الخوه )


http://www.alajman.net/omsyat/2008/3sedan/5.3gp
( شر البليه )


http://www.alajman.net/omsyat/2008/3sedan/6.3gp
( الحمد لله )


http://www.alajman.net/omsyat/2008/3sedan/7.3gp
( براق الأمزان )


http://www.alajman.net/omsyat/2008/3sedan/8.3gp
( عقب الإمساك )


http://www.alajman.net/omsyat/2008/3sedan/9.3gp


( تمرة قدوع )
http://www.alajman.net/omsyat/2008/3sedan/10.3gp

-------------------------------------

اما الشاعر محمد المجول فكان له من القصائد مايلي



الشاعر / محمد المجول

قصيده وطنيه

ياكويت العز ياملجا المعنا=دامك بعز الصباحي لاتعاني
نرخص الروح ونباهي في زمنا=ياعساني فدوتن لك ياعساني

قصيده في يام

لوإن ماني على يام العريقه=هل الوقفات والكايد تنوله
يجوز إني أطيع الوقت مره =وأذل النفس وأتبع ماتقوله
ولكن لاطرالي إني يامي =غزيت الوقت في شتى فصوله

القصيده الثالثه

والله إني خابرن بالنفوس ومتخفيه=أحسب إنها ميزتن فاتحه لي كل باب
مادريت إنها عذاب الخفوق ومايليه=وإن ثلثين المصايب تجيك إمن الصحاب

القصيده الرابعه

إفهم المضمون وإنصت لإستماعه=رفقت الطيب تجيك إبمنفعه
لانصيته تبشر إبفزعه جماعه=يفرح بنفعة خويه يرفعه
ورفقت الخايب تجي مثل البضاعه=يسلب الناظر بريقه يخدعه
لافتشته..بان لك مظهر خداعه=إقطع الدابر من أوله إقطعه

القصيده الخامسه

يابلد سلطانك اليوم ماليه الغضب=والصبر عيا على الحلم ياسلطانها
والمعاني مالها غير منطوق الأدب=برمي ثياب اللباقه على قيفانها

القصيده السادسه

جلست أقلب صفحة أيام عمري= لقيتني ماخذ حياتي سهاله
ماغير أردد بدري الوقت بدري=إلين ضيعت الحرام وحلاله

القصيده السابعه

منيت نفس العاشق بريح كمك=وأبطيت ماجيت الحنايا فديتك
أحلفك بالخالق اللي أتمك=ليتك تجي وتشوف مسكنك ليتك

القصيده الثامنه

جيته أبي دين ورحت أسدد ديونه=جيته وأنا مبتلش وأقفيت وأبلشته
غرون رهيّف كسرت القلب من دونه=غصنن ليانن يميل..ولاتمايلته

القصيده التاسعه

على جروح الضلوع الداميه شدي=خلي نزيف الحشا يكتب من أبياتي
أعظم شعورن يجي والدهر في يدي=أبسط كفوفي على أجمل رواياتي

القصيده العاشره

ساريه ضاقت عليه الوسيعه وإنبهر=والهزيمه قربت والعرب متداريه
والسما ترسل صدى صوت سيدنا عمر=الجبل ياساريه الجبل ياساريه

وهذا تسجيل فيديو لجميع قصائد الشاعر محمد المجول


http://www.alajman.net/omsyat/2008/mgwl/1.3gp
قصيده وطنيه


http://www.alajman.net/omsyat/2008/mgwl/2.3gp
قصيده في يام


http://www.alajman.net/omsyat/2008/mgwl/3.3gp
عذاب الخفـوق


http://www.alajman.net/omsyat/2008/mgwl/4.3gp
ورفقت الخايب تجي مثل البضاعه


http://www.alajman.net/omsyat/2008/mgwl/5.3gp
ياسلطانها


http://www.alajman.net/omsyat/2008/mgwl/6.3gp
صفحة أيام عمري

ليتك تجي
http://www.alajman.net/omsyat/2008/mgwl/7.3gp
ليتك تجي


http://www.alajman.net/omsyat/2008/mgwl/8.3gp
كسرت القلب من دونه


http://www.alajman.net/omsyat/2008/mgwl/9.3gp
الضلوع



http://www.alajman.net/omsyat/2008/mgwl/10.3gp
الجبل

---------------------

صور من الحفل ..




الشيخ سعود بن عصيدان / محمد بن عصيدان / الأعلامي مهدي العجمي



الأعلامي مهدي العجمي / الأعلامي عامر العجمي



سعود بن طامي / محمد بن طامي



فالح العسكر / خالد الطاحوس



الدكتور فلاح السويري في المنتصف










ومن ثم قام الاخ فيصل بن حجرف بتوزيع الدروع التذكاريه لعريف الحفل والشعار ..



الاعلامي / محمد العايد



الشاعر / محمد المجول



الشاعر فهيد بن عصيدان



صور متنوعه ايضا من الحفل ..


مشعان العبار / نايف بن عكشان / محمد طامي /الشاعر الكبير ذيب بن الذيب / الشاعر عوض ابو فقايا / فيصل بن حجرف / فالح العسكر / سعود بن عصيدان



جالس بن مبارك / مشعان العبار / عامر العجمي / مهدي العجمي / فيصل بن حجرف / المستشار عبيد المجول




فلاح بن ملبز / محمد العايد / سعود بن حمد بن عصيدان / فيصل بن حجرف



اللجنه المنظمه




صورة جماعية للمشرفين ويبدو في المنتصف الأعلامي حسن الهاجري وفي اقصى اليسار الشاعر فيصل العدواني






الشاعر محمد المجول ومحمد سعود


وفي نهاية هذه التغطية لا يسعنا الا ان نتقدم بجزيل الشكر لكل من الشاعر محمد المجول والشاعر فهيد بن عصيدان على احياء هذه الأمسية المميزة .. وكل الشكر لعريف الأمسية الإعلامي القدير محمد العايد .. وكل الشكر للحضور الكرام على تشريفهم لنا في هذه الأمسية وان شاءالله موعدنا معكم في امسيات قادمه

[نـاصـر]

السلام عليكم ورحمة الله وبركاته

أهنئ الشبكه وجميع أعضاء الشبكه على هذا الإنجاز اللذي يدرج في مصاف الإنجازات السابقه للشبكه.

أستمتعنا بالإستماع إلى قصائد فرسان الحفل .

وصح الله لسانهم

[™ عبد الله ™]

السلام عليكم ورحمة الله وبركاته

جهد تشكر عليه ادارة المنتدى

ونقل جميل يبعث الاحساس بالتواجد في الامسيه

الله لا يهين القائمين على هذا المهرجان الناجح

[محمد بن سعود]

السلام عليكم ورحمة الله وبركاته

أهني الشبكه وجميع الاعضاء علي نجاح هالامسيه ..

وشكـرا لـ الاخـوان / فيصل بن حجرف ، جالس بن مبارك

علي الجهـود الطيبه . ولاهنتـوو ..

[ال محفوظ العجمي]

الف الف مبروك نجاح هذي الامسية

ويعطيك العافية على تغطية الامسية لنا وهذي ميب غريبة عليكم

وصح الله لسانهم

كل الشكر لكل الذين قاموا باخراج هذه الأمسية بهذا الشكل المفرح

[المحامي vip]

الف الف مبروك نجاح هذي الامسية


ويعطيكم العافيه ولاهنتووووو

[(( سهيل ))]

مبرووك تميزالأمسيه الرائعه وكل التهانى للإداره وللقائمين على انجاحها

[DUNHILL]

الله يبيض وجيه الاداره على ذالتغطيه والامسيه الرائعه

[سالم الرتيبان]

الله يعطيكم العافيه على الانجاز الراقي والي شرفنا حقيقه
وصح لسان الشعار الي ابدعو
كما نشكر الحضور الراقي جداا
ولكم فائق الاحترام والتقدير
اخوكم

[الـعـابـر]

كل الشكر والتقدير للإدارة العزيزة

وعلى رأسهم الأخ فيصل بن حجرف والأخ القصيد والأخ جالس بن مبارك
والأخوة اللجنة المنظمة
على جهودهم الجبارة في التغطية الرائعة لهذه الأمسية المباركة التي جمعت الوجيه الطيّبة

وموعدنا القادم في الأمسية الثالثة للشبكة بإذن الله .

مع خالص التحية،،،