فالك المليار يا نشوى الرويني==خلّي المليون لليّ صفقوا له

[ابو ياسر 5]

فالك المليار يا نشوى الرويني=خلّي المليون لليّ صفقوا له
في سجّل مشجّعينك سجّليني=بعد ما فزتي على عيال الحموله
لا جمعتيهم على سمن وسميني=أسمني .. وأخذي من السمن العموله !
جابك الله للبنات وللبنيني=والولد مهبول .. والبنت مهبوله
تاجري بعقولهم والله يعيني=يوم قام العنصري يتبع ميوله
حرّكي فزعاتهم في كلّ حيني=وخلّي النخوه تقول اللي تقوله
بالرسايل من يسار ومن يميني=جاك فزّاع العرب يشعب ذلوله
هكذا حنّا على مرّ السنيني=ما نمثّل غير بأدوار البطوله
في دولنا .. زادوا المتنبّييني=وكلّ متنبّي لقا له سيف دوله !
يذبح ويصلخ ويومي باليديني=بالحركات البطيّه والعجوله
كل ما زوّد حماسه حبّتيني=أنتثر حبّه وشاله في حثوله
يجلب المحضور بين المسلميني=والجماهير المجانين أهتفوا له
يحسب أنه يملك العقل الذهيني=ينظم من الوهم مرجانه ولوله
لو فرضنا الشّعر مدلوله ثميني=أستباحوا فرضه وعرضه وطوله
روضة ٍ عيّت تسرّ الناظريني=وكلّنا دارين في الوضع وحلوله
ما نعيش بخير وحنّا غافليني=( عن كتاب الله وعن سنّة رسوله )

[موكب]

اخي الكريم ابو ياسر 5

واقع مر نعيشه وشر لا بد منه

صح لسانك مليووووون ولسان شاعرها الصريح

وسلمت اناملك بما خطت لنا من ذوق راقي وصعب

واشكرك جزيل الشكر على نقلك هذه الشامخه

واسمح لي ان اعدل القصيده لكي تظهر بالشكل المطلوب

تقبل تحيتي وتقديري لشخصك الكريم

[غرنوق]

صح لسانك

وياليت اللى متعصبين بالشعر ويغارون من بعض

يعكسون الفكره وتصير غيرتهم وتعصبهم لدين الاسلامى.

[عزوف]

تـاجـري بعقولـهـم والله يعيـنـي .. يـوم قـام العنصـري يتبـع ميولـه


يا ليت المتاجره وقفت على العقول بــــــــس البلااااا من الخافي ....والخافي أعظم


ابو يا سر


اختيار موفق وجا بوقته

صح لسان شاعرها

يعطيك العافيه

[غيام]

روضـة ٍ عيّـت تسـرّ الناظرينـي=وكلّنا دارين فـي الوضـع وحلولـه

ههههههه

المشكله في هالروضه واننا دارييييين

صح لسانك ولسان شاعرها اللي اتمنى اعرف اسمه

لاني اوافقه الرآي وبشده لاننا في زمن السخافات وما يليها

فـي دولنـا .. زادوا المتنبّييـنـي=وكلّ متنبّي لقـا لـه سيـف دولـه

تقبل مني فائق الاحترام والتقدير