الســـــلام عليـــــكم
وحده من بنات شلتي قبل فتره تقول أول ما تتزوجين لازم تورين حمولتك
العين الحمراء علشان ما يتمردون ( حشا بزارين هم ) ،
و أول ما تسمعين منهم كلمه خليها قبه
علشان يتوبون بعدها ما يقولون لك شي < داخلين من بدايتها حرب
(الحمد لله و الشكر عقول مره صغيرونه) .
×
قبل فتره كنت جالسه أقول لأخوي عن وحده من صديقاتي و امدحها له
وانها طيبه و حبيبه و بنت حموله و يكفي انها صديقتي
علشان تكمل يوم تصير مرت اخوي قال مو من صالحك
لأنه إذا اخذتها بتصيرون تكرهون بعض !!! ليش ؟ .. مدري ..
ربي ما رزقني بخوات و متأمله بحريم أخواني لكن شكل الرجال هو الي بيشيشها علينا .
×
دائماً بجلسات الحريم أو تحديداً الخوات يجلسون يحشون برجالهم و حمولتهم ليش ؟
إذا أنتي سبيتي زوجك أو حمولتك كلهم أنتي قاعده تسبين بيتك
و بكذا تنزلين من عيون الي انتي تسولفين لهم و هم ما بيدهم لا ربط ولا فك ..
إذا في مشكله كبيييره قولي لأبوك ولا لأخوك أو أي احد عنده حل
مو بس بالنهايه يقول ( إييييييه الله يعينتس ) و مو كل صغيره و كبيره
تروحين لأهلك و تزعلين عليه .. بكذا يكون زعلك من أبسط ما يكون عنده ..
خلي أهلك للسوالف الكبيره .. إذا سالفه صغيره أجلسي قدامه بالبيت
و اقهريه انك ما رحتي لأهلك و يكون إذا رحتي لهم يدري انه السالفه عوده
و يتوب بطلنا يغلط .
×
إذا كانت حالة زوجك مو ذاك الزود لا تحرجينه و تجبرينه يروح يتسلف
علشان كماليات محد داري عنها .. و ترى مو لازم كل مناسبة
تسنترين بالسوق و تقضين إلي وراه و دونه ..
و تعيشين على السلف و الدين ..
رضا زوجك أولى من أم الجيران ؛ )
×
و لا تصيرين غبية أول ما ينزل الراتب تروحين تطخطخين و أبعدوا عني
و بآخر الشهر تروحون تشحذون من الخلق
( يا حرااام مرهـ مهبل لا هي ولا زوجها )
×
ابدئي حياتك معاهم حلو .. وصدقيني أنهم ما راح يسوون لك شي
( ترى هم اوآدم مو وحوش ) ..
بعدين حتى لو سووا لك شي عادي طنشي و إذا زادت المسألة
ترا مو لازم تقابلينهم كل أسبوع ربي ما راح يحاسبك إذا ما وصلتي أمه و لا خواته
.. أهم شي زوجك لا تخربينه عليهم .
×
حاجه أخيره لا تقيسين حايتك بحياة الي حوالينك ..
( أمك أختك خالتك عمتك )
أنتي غييييير مستحيل يكون زوجك زي أزواجهم !
×
أحب أعرف وجهات نظركم !
منقول
03-07-2007, 05:04 PM
[/img]
العرض العادي
