الامير عبد الرحمن بن نقادان العذبه المري

[قهيدان]

الامير عبد الرحمن بن نقادان العذبه المري


ذهب الامير عبد الرحمن يقنص للضباء ، فصاد ضبياً وذبحه وحمله ورجع لقومه حاملا الضبى في ابطه . فإذا بقوم بن رشيد قد غاروا عليه . وقد طمعوا في إبله وسلاحه . واخذوا يطاردونه ويطاردهم وجرح منهم وعقر من خيلهم وبعد ما رأوا منه ما رأوا انصرفوا ، وكان طيلة مطاردته لهم كان الضبي في ابطه ولم يتخلى عنه .

شـلـيت ضبيي ولتقيت المغيره=فـكيت زملي من عيال السناعيس
بـن رشـيـد مـا يـمثل بغيره=اقـفـى جنوده من طمعهم مفاليس
كـم عقبوا في المعركه من عقيره=مـن خـليهم ومن عيال مدابيس
أنـا عـنا (صيته) إذا جات ذيره=آقـف لـي مـا قفٍ ما بعد قيس
أقـود نـمـرا في نحى كل ديره=مـعي نشامى فوق حيلٍ عراميس
والـى الـتـقينا بالوجيه الشريره=أنكّس الفارس على الأرض تنكيس
ربـعي هل العادات في كل سيره=(عـذبـيّـةٍ) عند الملاقي مدابيس
(ومـريـةٍ) يـثنون يوم الكسيره=تُـعرف فعول فروخهم والقرانيس
يـامـا عـقرنا من جواد ظهيره=وكـم فارس في ملتقى خيلنا ديس
الـجـار مـا يذخر عليه الذخيره=خـشيرنا في الماء واللبس الكيس
بـيـوت لـلضيفان فيها خشيره=فـيـها الدلال متعبات المحاميس

[فيصل بن حجرف]

لا هنت ياقهيدان

والله يرحم ابن نقادان ويسكنه الجنه

وافعاله معروفه للقاصي قبل الداني

يعطيك الف عافيه واسمحلي على تنسيق القصيده واتمنى ان حنا نشوف منك المزيد

تحياتي

[دغري]

يعطيك العافيه قصيده رائعه

[بنت راكــــان]

السلام عليكم ورحمه الله

تسلم يمناك اخي قهيدان على هالمشاركه الطيبه

والله يرحم الامير عبدالرحمن ويسكنه فسيح جناته

والحقيقه استمتعت بقرأتها

ولاتحرمنا من هالقصص الزينه

في امان الله

[جيــر]

لاهنت ياقهيدان والله يرحم ابن نقادان ونعم بك وبه.

[فهدالعجمي]

ونعم في امير العذبه

ولاهنت ياقهيدان