|
الفـــارس المغوار : شــــــاهر والشـــــريف (حاكم مكة) وقصائد في رثائه
الفارس المشهور : شــــــاهر بن عجيان المعتبــــي الشــــــــلوي
في عام 1193 هجري اغار الفارس شاهر مع ربعه الشلاوى
علي الشريف سرور بن مساعد حاكم مكه في ذلك الوقت
والذي كان يقوم بغزو نجد حيث تمكن شاهر وربعه
من نهب حلته وجيشه ورجع يجر اذيال الهزيمه الي مكه
حيث ذكر في كتاب (خلاصة الكلام في بيان امراء البلد الحرام ) صفحة 216 مانصة (وفي شوال سنة ثلاث وتسعين *والف ومائة* .....ثم ركب علي الشلاوى باطراف الفرق فاجد خيلة وركابة وصبحهم في اليوم الثالث واستدام الحرب بينهم نهاره بما طال ثم ولوا مدبرين وتركوا الحلال والمال فاخذه الفارس شاهر وربعه الشلاوى فمن ذلك سبعة الاف من الغنم ومائة من حمر النعم (يقصد الابل )
وقام الشريف سرور مرة اخرى بجمع جيشه من الترك لكي يغزو الشلاوى رداً علي هزيمته السابقه ،وفي شوال من تلك السنه حصلت المعركه وقتل الفارس شاهر بعدما قتل اغلب فرسان الترك بسيفه وهو يعتزي ( صبي الحزات وانا اخو شاهه)
وذكر في مخطوطة (تاريخ الاشراف ) تاليف- عبد الله بن عبد الشكور حيث ذكر في ورقه رقم 245 ماذكر اعلاة ولكنه اضاف قوله (......وممن قتل في هذه المعركة فارس لهم يقال له شاهر كان في الحرب ماهر )
فقالت اخته الشاعره: شاهه بنت سعد عجيان المعتبي الشلوي هذه الابيات ترثيه :
اليوم ناظر حالتـي يـا خشيبـان=غدالـي الهـرش المكـدد رعيـه
يامال ابوي الي له الناس رعيـان=دبـت عليـه النملـه العامـريـه
غدو بنون العين حمـاي الاظعـان=واصبـر علـي مادبـر الله ليـه
جانـا خيالاًفـى مثانيـه ربــان=نوه مـن القبلـه مزونـه رويـه
اوايلـه مثـل المخابيـط نيـران=يوم استهلت مثل ضـرب برديـه
وبرقه سيوف الهند بيديـن غلمـان=ودهم القنـا بيـن النشامـا هديـه
تركٍ تلبّس قايـد الحـرب تيجـان=يردون حوض الموت ورد الظميـه
نطحهم شاهر علـي بنـت ربـدان=لين اختلف جمع العدى عـن نويـه
بسيفٍ يشيل الراس من فوق الامتان=يقطع ملازيم الخوي عـن خويـه
الي طرح منهم عشى الذيب سرحان=مـن ابلـجٍ خلـي بهـاك الشغيـه
وقال الشاعر : محمد السمي البقمي
بعدما سمع بخبر موت الفارس شاهر قيلا مايلي يتذكر كرمه الي اكرمة شاهر واعطاه من الابل والمال .
فقال:
يا ضيف من عقب الشلاوى استرالحال =والنفـس صبرهـا علـى مايجيـهـا
اهل اصحون من فوها السمـن زلال =مـا دوروا بيعـات الاربـاح فيـهـا
يما نـزل يـم الامريـن مـن مـال =فـي حـزةٍ ضيـف العشـاء يمتنيهـا
يا صاحبي نطاح جمعـا ليـا أنهـال =شاهـر ليـا صـار النفـل مقدفيـهـا
اهل حلة للضيف منصـى ومدهـال =ذا مــدورهــا وذا ملـتـقـيـهـا
__________________
سـلام يامـن جابنـا رسمـه ونبـه**على سلومٍ سايره بين العرب
من الشـلاوى اللي لهم عاده وشبه**كير الحرايب يوم نيرانه تشب
احزامنا شغل النيامس وام حبه**ومسلبن فيماننا يقضي الطلب
كم شيخ قومٍٍ في ملاقنا نذبه** بالمرهفات اللي تذب الروس ذبّ
راس يناصبنا وراس ننتصبّه** والراس الأنصب كل ماطِق أنتصب
|
11-03-2006, 02:53 AM
العرض العادي
