حياكـم‘

[شي شي،]

[شي شي،]

بس الغلا لاتأخذه لوو تكرمت !

[شي شي،]

وشلون أناديك يوم ( أقفيت ) من عندي ...؟!
وأنت أبخص الناس في ( نفسي وعزتها ) !!

[شي شي،]

.
.




ياستار بوكس الكوت لاجا محليك ..
............... اما الضحى والا بوقت العصـاري !

قله سلام العشق من شخص مغليك ..
............... يقبل بعدهـا غيبتـي واعتـذاري !

وانه ترى لاغاب ماهـو بناسيـك ..
............... فالقلب وغيابه تـراه اضطـراري !

والا انت لولا جيته ويش ابي فيك ..
............... في ذمتي مالك على البال طـاري !

[شي شي،]

لو بالقلوب البيض ( لحظة تناوب )
ناوبت قلبي ياحبيبي ، بـ قلبك !

اناظر بصورتكْ .. واسأل وأجاوب
انا تركتك ليه ؟
لأني .. أحبك !

[شي شي،]

من يوم ماقلت لك : روّح وفارقني
تشربني اللهفه ، وتاكلني .. الشفقه !

وأنا طلبت الفراق اللي ، مطوّقني
ماهي حماقة عقل ، ولا من الطفقه

أخاف ربي ، وأخاف الوقت يسرقني
ولا عاد يبقى بـ خفاقي ، ولا خفقه !

كل القصايد بعد مارحت ، تطرّقني
وجابت جماهيرك ، التصفير والصفقه !

والحين جيتك خيال وقوم عانقني
معانقك بس ، من رب السمّا .. وفقه !

جيتك وأنا دمعة عيوني ، ترافقني
ماعندي إلا الدموع .. تقدّر الرفقه

[شي شي،]

يغنيك عن كثرة ظنوني وظنونك
إحساسنا ، لا صار من دون تزييف

أطري لك السفره ، وتدمع عيونك
لاتذرّف الدمعه ( تراني على طريف ) !

تبقى وطن ، ومشاعري يسافرونك
في كل لحظه ، ماهو بـ عطلة الصيف

[شي شي،]

كل فرحه بعد هاك النهار ، إخلصت
يوم قال ودموعه في عيونه : خلاااص !

[شي شي،]

الشعر راحه ., ولكن ما يريّحني .,
أهرب من البوح وهمومي يدلّوني .!

بكره إذا مت ., من فيكم يبايحني؟
لا جدّت جروحكم لامن قريتوني .!

هذا أنا من همومي شامخ ومحني .,
أبكي من القلب لو ما تدمع عيوني .!

لا مرّ طاري فرح ., يعجز يفرّحني .,
وإذا أبتسمت ل عيوني / ما يعرفوني .!

ياليت حزني على كبره / يطيّحني .,
يمكني أرتاح والعذّال ينسوني .!

أحبابي أقصاهم اللي أمس جارحني .,
والباقي إن جيتهم ., راحو وخلوني .!

[شي شي،]

.
.
.






عسى طيارتن طارت لدار (الغرب) وأبكت عين
............. تعود في سماء (الكويت) وتفرح عين مغليني

وعذري اني مسافر والمسافر لد للغالين
............. وخطير اني مكنسل رحلتي لو هم مناديني

مشيت ولامشيت احس قيد برجلي الثنتين
............. مشيت ولاقويت وكن حيلي مايمشيني

وبلاي اني التفت وشفت ربعي مودعيني لين
............. ركبت الطايره وادري بربي مايخليني

وساق الطايره طيارها واقفى مع المقفين
............. عليه الله ما يحسب حسابي لأدمعت عيني

أخايل في الدريشه وكل مبعدنا النفوس تشين
............. وكن الراكبين اللي معاي تقول يا عويني

الا يادار يا دار النصاري وان حداني البين
............. على الله كل شين واطلب الشافي يشافيني

أنا داري الشفى بيدين ربي وأمتي دارين
............. ولكن نبذل الاسباب والوالي يقديني

في غربتنا قعدنا ندفش يسار يمين
............. لوني فازع بصدر الشمالي ما قضى ديني

هموم القلب ملعونه تجيني والعرب ممسين
............. كأنها تاكل القلب المشقى والشرايني

لو الله ما رحمنا في اجتماع الناس كان اللحين
............. أعزي صاحبي في ضيقته وأيضا يعزيني

لقينا رجال في الغربه من الأقصين والأدنين
............. عرفناهم وكني بعرفهم مبطي من سنيني

الامن حان ميعاد اللوازم كلهم عجلين
............. على المفزاع قبل تقول قال أحسن تدعيني

صحيح ان السفر يسفر عن لاطباع شين وزين
............. وطراه الرجل يعجب عين ربعه في المياديني

وثمان شهور ما يبرد تلفوني من الوافين
............. وحن لجيتي حتى عدون مايدانيني

وقالوا لي متى ترجع ترانا لجيتك شفقين
............. عرفت أحباب قلبي عقب ربي ما تخليني ..!

رجعت وشفتهم وسط المطار شلون مجتمعين
............. وكنهم في المطار ومن ثمان شهور تانيني ..!



.
.
.