اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 15-04-2004, 01:35 AM
المحترم المحترم غير متواجد حالياً
 عضو جديد
 
تاريخ التسجيل: Apr 2004
المشاركات: 12
مساجله بين(ابن عون العتيبي و ابن ضيف الله الدوسري)الجزء الثاني

فردّ ابن عون بقصيدته : ( يا.. حسين .. حاسب )


ما نزلنا الهضب ياحسين معكم بالقصير

ولا وسمت عصيّنا مثل من تاسم عصاه

فيك سرعة مير يا حسين حاسب لاتطير

كيف تتّهم لك بريٍ بشيٍ ما نواه

ما حصلل منّا زلل مع كبير ولا صغير

ولا درقنا جــارنا من تحت ردن العباه

سلمنا وسلوم أهلنا بنوره نستنير

ما يلد الرّجل منّا بشوفات قصراه

ما نطيع بسلمنا لا صغير ولا كبير

يوم بعض النّاس طبعه يبيّن لك رداه

من مجاراتك مللت المشاعر والشّعير

الشّعير أغلوه والشّعر صابه ما رزاه

انت مثل الوادي اللي سيله عوير

ما تشوفه لين تاطا برجلك فوق ماه

يا حسين السّالفه خلّها بيرٍ حفير

ردّ ما بيّنت في قاعته واقصب رشاه

لاتخلّيها توسع لعمر ولا عمير

لين يكبر حجمها مع منقّلة الوشاه

وأقرد العربان دايم يليم للذّخير

.................................؟؟؟


ــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــ

ـــــــــــــــــــــــــــــــــ


فردّ عليه الشّاعر حسين بن ضيف الله بقصيدته : (طير ياللي فيك لامواس والباقي نجير ) .


طير ياللي فيك لامواس والباقي نجير

لاتنهّض وانت في كفّك اليمنى حفاه

لاتلتفت فالجدي وانت قدّامه غثير

مثل من جاله لزوم وعوّد ماقضاه

يا أبو نايف لاتحسب العرب كسب العقير

الرّجل مثلك نعزّه ولا نقبل خطاه

سلمنا ما سالفت به سميره مع سمير

تعقل العيّال منّا على طول الحياه

والله انّي مالبست البشت في بيت الفقير

من يوم بعض النّاس قام يتكبّر في خلاه

ما تعرّضنا لربعك علامك تستثير

لا تعكس العلم وتحطّ وجهه في قفاه

انت مثل اللي على الدّبك فالعجّه يغير

كلّ ما قلنا تراجع تقدّم في غماه

أقرد العربان منهو يجي ماله ضمير

كلّ ما شاف المشاكل ذبح للشرّ شاه

المنافق باكر منزله في زمهرير

قصدي الشّيطان واللي يصير من خوياه

أنت خصمي فالقضيّه ولا غيرك خشير

كلّ رجل بالمعاني يبيّن مستواه

ــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــ

ــــــــــــــــــــــــــــــــــ



علمآ ان لها بقيه ولاكن لاتحضرني وانها نشرت في احدى المجلات الخليجيه
ودخل فيها شعراء من الدواسر ومن عتيبه
من الدواسر (ابن خصيب الغييثات)ويذكر ان مساجلته قويه
مما جعلها توقف من الاميرنايف حفظه الله درء للفتنه........

__________________
نويت مرباع الغضي سيد الاحباب

قصدي يزول الهم زاد التهابه

رد مع اقتباس
  #2  
قديم 15-04-2004, 04:44 AM
تركي تركي غير متواجد حالياً
 عضو نشيط
 
تاريخ التسجيل: Feb 2004
الدولة: لا يوجد
المشاركات: 239

السلام عليكم ورحمة الله وبركاته,,,

لا هنت ياخوي المحترم على النقل والاختيار الموفق للشاعرين بن عون وبن ضيف الله..


إحتراماتي

رد مع اقتباس
  #3  
قديم 16-04-2004, 03:25 AM
المحترم المحترم غير متواجد حالياً
 عضو جديد
 
تاريخ التسجيل: Apr 2004
المشاركات: 12

اشكرك اخوي (تركي)

على المرور والاشاده

تقبل تحياتي.......

اخوك (المحترم)

__________________
نويت مرباع الغضي سيد الاحباب

قصدي يزول الهم زاد التهابه

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 02:31 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com