يـــــــــــــــا لعيـــــــــــــــــــــنه

[ابوتركى]

والله لارد الصاع يابنت صاعين=واعزنفسى عقب ذيك المهانه

ذقت المراره منك ودورك بدا الحين=والله لجرعك الاذى والاهانه

ثارت بى جنونن وثارت شياطين=ثارت جنونى عقب مانى تكانه

من بعد عشره يالعينه من سنين=قامت تكاشفلى خيوط الخيانه

يومى معك مخلص وماشى على الدين=وسلمت قلبى فى يمينك رهانه

وسويتلك يادهينتن لاتكبين=واهديتلك قلبن يفيض بحنانه

واثرك على حبل المشاعر تسلين=يابايقه من شال حبك وصانه

واثرك كذوبه يوم قلتى تحبين=وكنت احسبنك صادقه ياجبانه

يالله عسا فى دنيتك ماتهنين=ياخاينه عهد الوفا والامانه

بقولها يابنت ماعاد تسوين= بقولها والبيت يحمل ضمانه

منولن كنتى على الراس والعين=والحين قدرك تحت رجلى مكانه

[فيصل بن حجرف]

صح لسانك يبو تركي

والله قاعد اقراها وعندي شباب وكلهم يقولون كلمات اكثر من رائعه

تحياتي لك يا مبدع

[ابوتركى]

العجمــــــــــــــــــــــــــان رايك وسام على صدرى



شكرا للمرور

[تركي]

السلام عليكم ورحمة الله وبركاته....


صح السانك يابو تركي

لاهنت

تحــــيـــاتي

[ابوتركى]

تركى


صح بدنك وشكرا للمرور

[هند]

اف ،
قوية حيييل الكلمات

صح لسانك يا ابوتركي


لك تقديري
السؤدد

[ابوتركى]

السؤدد تشكرين على المشاركه والتعقيب



تحياتى

[بخـــــــــــوت]

صح لسانك ولساان قايلهاا كلمات قويه بمعناهاا




تشكرات ابو تركي

[ابوتركى]

بخوت تشكرين على مرورك

[cool]

السلاااام عليكم ورحمة الله وبركااته

يالله عـســا فـــى دنـيـتــك ماتـهـنـيـن
يـاخـايـنـه عــهــد الــوفــا والامــانـــه

عاااادك الي الحين على دعووتك ابو تركي .

صح لسااانك صح لسااانك صح لسااانك مبدع مثل ماتعودنا منك الغاالي .

الله يعطيك العاافيه ابو تركي .

كـووول