لا تحذف الناس بحجر وأشوف بيتك من زُجاج
لا صار بيتك من حجر ! حذف ولا همك أحد
توعد وتخلف بالوعد وأجيك وأفِل الحجاج
وتزعل عليّ ولا ذكر إني يوم خالفت الوعد
أسقيك من وصلي قراح الهرج وأذوق الهماج
وأمد كفّين المحبه وأقترب منْك وتصد
من كثر ماحبك وأفكر فيك .. دايم فيك ساج
ولا قيل ويش اليوم ؟ قلت السبت ! وحنا بالأحد !!
مشيت درب الحب لو دونه غرابيل وعجاج
هجرك عجاج ، وشفت من هجرك ، غرابيل ونكد
كنت الوحيد اللي سكن عيني وفوق الراس تااج
لا واحسافه ليتني طعت الضمير ومبتعد
جرح الجفا فيني عطيب ولا لقيت إله العلاج
حرام تجرحني ! وأنا وافي معك إلى الأبد
سراج حبك مِشعله لاكنّ طفيت السرااج
مع السلآمه ،، والفراق آخر حلول اللي صمد
11-02-2011, 03:47 PM
!
العرض العادي
